"ஷ‌ஃபிக்ஸ்"

கலைடாஸ்கோப்

2010-06-26T18:54:00.004+03:00

பாலைவன வெப்பம்

சூடு என்றால் அப்படி ஒரு சூடு, சென்ற வாரம் தொடங்கிய வெப்பம் இன்னும் தொடர்கிறது. 53, 55 என இப்படி சர்வ சாதாரணமாக மெர்க்குரி அளவு சென்று கொண்டு இருக்கிறது. இந்த மிகை வெப்பத்தினால் ஜித்தா நகரத்தில் மட்டும் தினசரி நாற்பது தீ விபத்துகள் நிகழ்வதாக நேற்றைய செய்த்தித்தாளில் படித்தேன். மின்சாரக் கோளாறு மற்றும் வாகனங்களில் என்ஜின் சூடாவது போன்றவைகளால் பெரும்பாலான விபத்துகள் ஏற்படுகிறதாம். இயற்கை நிகழ்வை நாம் கட்டுப்படுத்த முடியாது தான், ஆனால் நம்மையும் சுற்றுப் புறத்தையும் பராமரிக்கலாமே?

நமக்கு:

அவசியமில்லாமல் வெயிலில் லைய வேண்டாம், செய்ய வேண்டிய காரியங்களை முன் கூட்டியே திட்டமிட்டு, நேரம் வகுத்து செயல பட வேண்டும்.

நிறைய தண்ணீர் குடிக்க வேண்டும், ஒரு நாளைக்கு 3 முதல் 4 லிட்டர் தண்ணீர் குடிக்கலாம்.

எண்ணையில் பொறித்த உணவு வகைகளை மதிய நேரங்களில் குறைத்துக் கொலள்ளலாம்.

வாகனங்களுக்கு:

என்ஜின் அதிக சூடாகும், இதனால் கூலன்ட் நீரை பார்ப்பதுடன் ப்ரேக், கியர், என்ஜின் ஆயிலையும் பார்த்துக் கொள்ளவும்.

கதவுக் கண்ணாடிகளை காற்று புகும் அளவிற்கு சிறிது இடைவெளிவிட்டு மூடவும்.

டேஷ்போர்டு சூடாகாமல் இருக்க விண்டு ஷீல்டு கவர் போடலாம்

வாகனத்தை ஸ்டார்ட் செய்து உடனே ஏர்கண்டிஷனை போடாமல், சிறிது நேரம் ஃபேனை மட்டும் போட்டு காற்றோட்டத்தை சீர் செய்யவும்.

உலக போதை ஒழிப்பு நாள்

சமுதாயத்தை சீரழித்து வரும் இந்தப் பழக்கத்தை எப்படி ஒழிக்கப் போகிறார்களோ? ஒவ்வொரு தனி மனிதனும் தவறை உணர்ந்தால் ஒழிய இதனை ஒழிப்பது பெரும்பாடே. இத்தீய பழக்கத்தினை ஒழிப்பதில் பெற்றோர்களின் பங்கும் மிகவும் முக்கியம். த‌மது குழந்தைகளின் நடவடிக்கைகளை சரிவர கவனிக்க வேண்டும், அக்கால அதிரடி நடவடிக்கைகள் தற்கால குழந்தைகளிடம் அத்தனை செல்லுபடியாகாது, அவர்களது உணர்வுகளை புரிந்து, அவர்களின் எண்ணங்களை நம்முடன் தெளிவாக பகிர்ந்து கொள்ளும் அளவிற்கு நாம் மாற‌ வேண்டும். போதை பழக்கத்திற்கும் புகை பிடிப்பதற்கும் நெருங்கிய தொடர்பு இருப்பதால், இந்தக் கொடிய புகை பழக்கத்தையும் அடியோடு நிறுத்திடலாமே?

'கடி'காரம்

வீட்டின் ஹாலில் உள்ள கடிகாரம் திடிரென நின்று விட்டது, எங்களுடைய சிறிய மகன், ஹாலிற்கும், அறைக்கும் ஒரே சமயத்தில் தான் கடிகாரம் வாங்கி, புதிய பேட்டரியும் போட்டோம், ஆனா அது ஓடுது, இது மட்டும் நின்னுடுச்சே என சந்தேகத்தை கிளப்பினான், ஆமா சைனா கடிகாரம், மெஷின் எப்போ நிக்கும் எப்போ ஓடும்னு சொல்ல முடியாதுன்னு சொல்லிப் பார்த்தேன், இல்லாட்டி இந்தக் கடிகாரத்தை நாம அடிக்கடி பார்க்குறோம், அறைல உள்ளத அவ்வளவா பார்க்குறதில்லை அதனால இருக்குமோன்னு, ஒரு மொக்கை பதிலையும் சேர்த்து சொல்லி வச்சேன். அவனுக்கு இரண்டு பதில்களும் பிடிச்சுருந்தது, உங்களுக்கு?

பணத்தானி - ATM

2010-05-24T11:30:00.018+03:00

நினைத்துவடன் அட்டையைப் போட்டு, அடுத்த கணத்தில் பணத்தை கைக்குள் திணித்து விடும் 'பணத்தானி' (பணம் தா நீ) என செல்லமாக அழைக்கப்படும் ஏ.டி.எம். இயந்திரத்தை கண்டு பிடித்த ஸ்டெஃபர்டு பாரன் (Shepherd-Barron), கடந்த வாரம் காலமானார், இவர் 1925ம் வருடம் இந்திய மண்ணில் ஸ்காட்லாந்திய பெற்றோர்களுக்கு பிறந்தார். நாற்பது வருடங்களுக்கு முன் ஒரு கடையில் மிட்டாய் வாங்கும்போது டிஸ்பன்சர் சாதனத்தை பார்த்திருக்கிறார், நம்மை மாதிரி மிட்டாயை வாயில போட்டுகொண்டு அப்படியே போய்விடாமல் , இந்த தொழில் நுட்பத்தை வேறு விதமாக உபயோகப்படுத்தினால் என்னன்னு யோசிச்சு, இந்த ஏ.டி.எம்மை கண்டு பிடித்தாராம். இது ஒரு நல்ல கண்டு பிடிப்பு என பிரிட்டன் பார்க்லேஸ் வங்கியும் இந்த தொழில் நுட்பத்தை வாங்கிக் கொணடது.

எதுவா இருந்தாலும் தன்னோட தங்க்ஸ்கிட்டே சொல்லிட்டு அவங்க சொல்றத செய்துடுவார் போல, அதே போல இந்த மெஷினுக்கு ஆறு இலக்க எண்ணை பாதுகாப்பு குறியீடாக வச்சிருந்தாராம், ஆனா தங்கஸ் நாலு இலக்கமா மாத்தினா நல்லா இருக்கும்னு சொன்னதுக்கப்புறம், அவங்க ஆசைப்படியே செய்துட்டார்.

இந்த மெஷினில் இது வரை விருப்பபட்டு கேட்ட பணத்திற்கு குறைவாக வந்திருக்கிறதா எனத் தெரியவில்லை, ஆனால் எனக்குத் தெரிந்த பலருக்கு பக்கத்தில் ஒரு சுழியன் சேர்த்தே பணம் கொட்டியிருக்கிறது, இப்படி கிடைக்கும் பணத்தை நாம் பதுக்கிக் கொள்வதும் திருடுதலே, அதை சம்பந்தப்பட்ட வங்கியில் கொடுப்பதே முறை, எது நமக்கு சொந்தம் இல்லையோ அதை உரிமை கொண்டாடுவது திருட்டு தானே? ஒருவருக்கு நமது நாட்டு நாணய மதிப்பில் இரண்டு இலட்சம் ரூபாய் மதிப்புள்ள ரியால்கள் வந்து விழுந்துவிட்டதாம், இவர் கணக்கில் இருந்ததோ சில ஆயிரங்களே, அன்று மாலை அவர் வங்கிக்கு போய் திரும்ப கொடுத்து விட்டார், அவர்களும் ரொம்ப சுலபமாக, நன்றின்னு சொல்லிட்டு வாங்கிக் கொண்டார்களாம்,ஒரு பாராட்டு கூட இல்லையாம், ஏமாற்றமாட்டார்கள் எனற நம்பிக்கையா? அல்லது திருடினாலும் கண்டு பிடித்து விடக்கூடிய தொழில் நுட்பங்கள் வளர்ந்து விட்டதன் வெளிப்பாடா?

சில வருடங்களுக்கு முன் மற்றொரு நபர் இப்படி சில லட்ச்ங்கள் எளிதாகக் கிடைத்து, அன்றைய தினமே, ஊருக்கு எமர்ஜன்சியில் சென்று, தன்னிடம் சேமிப்பு பணத்துடன் இந்த பணத்தையும் வைத்த் தொழில் தொடங்கியிருக்கிறார், தொடர்ந்து நஷடம், சமாளிக்க முடியவில்லை, உள்ளதையும் தொலைத்து, மீண்டும் அயல் நாட்டிற்கே வந்து, முன்னர் இருந்ததைவிட கடினமான வேலையும், சம்பளம் குறைவாகவும் கொடுக்கும் நிறுவனத்தில் சேர்ந்தாராம், ஏனிந்த பேராசை? இந்த மெஷின்களை கூண்டோட தூக்கிக் கொண்டு போய் விடுகிறார்கள் என‌ அடிக்கடி செய்திகள் வேறு வருகிறது.

இங்கே மற்றொரு விடயமும் சொல்லணும், மெஷினிலிருந்து காசை எடுக்கும்போதும், கணக்கை சரிபார்க்கும்போதும், பிரிண்ட் வேண்டுமா எனக் கேட்கும், பெரும்பாலும், தேவை இருக்கோ இல்லையோ, அதை பிரிண்ட் எடுத்து, அப்படியே தூக்கி எறிந்து விடுகிறோம், அதற்கு பதில் திரையிலேயே சரிபார்த்துக் கொள்ளலாமே, மிகவும் அவசியமெனில் பிரிண்ட் எடுக்கலாம். சுற்றுப் புறச்சூழலையும் கவனத்தில் கொள்ள வேண்டும்.

இப்படி மிட்டாய்ல தொடங்கி, இப்போ என்னடான்னா தங்கக்கட்டிகளை தரும் அளவிற்கு இந்த சாதனம் பயன்படுகிறது. சமீபத்தில் அபூதாபியில் இந்த தங்க முட்டை இடும் வாத்தை கொண்டு வந்து வைத்து இருக்கிறார்கள், இனி தட்டுப்பாடு தங்கத்திற்கா, இல்லை பணத்திற்க்கா? சும்மா இன்றைய தங்க நில‌வரம் எப்படி இருக்குன்னு வலையில் பார்த்தேன், நெஞ்சம் 'தக் தக்' என்கிறது!!

கலைடாஸ்கோப்

2010-05-17T09:07:00.005+03:00

எங்களோட அலுவலகம் பத்தாவது மாடியில் இருக்கிறது, ஆரோக்கியம் மற்றும் பாதுகாப்பு காரணங்களுக்காக புகை பிடிப்பது முற்றிலும் இங்கே தடை, அப்படி யாரேனும் புகை பிடித்தே ஆக வேண்டுமென்றால், தரை தளத்திற்கு போய் புகை விட்டு வரவேண்டும், இரண்டு நாளைக்கு முன் அலுவலகத்தில் ஒரு பிரிவிலிருந்து ஒரே புகை மயம், என்ன காரணம் எனக் கேட்டால், ஜப்பானிலிருந்து பெரிய டெலிகேட்ஸ் வந்திருக்காங்க, சாப்பாடு இல்லாம கூட இருந்துடுவாங்களாம் ஆனா சிகரெட் இல்லாம இருக்க மாட்டாங்களாம் அதனால இன்றைக்கு மட்டும் அவ்ங்களுக்கு மட்டும் புகை பிடிக்க அனுமதியாம், என்ன கொடுமையிது, அவர்களுக்கு நமது விதிமுறையை எடுத்துச் சொல்லலாமே எனக் கேட்டால், ஷ்ஷ்ஷ் அவங்க பெரிய ஆளுங்க, அதனால நாம தான் அனுசரிச்சு போகணுமாம்!!

*************

வழக்கம்போல் மார்க்கெட் பகுதியில் பார்க்கிங் கிடைக்கவில்லை, கால் மணி நேரம் சுற்றி சுற்றி வந்தும் உஹூம், சரி ஒரு பத்து நிமிட வேலை தானே என ஒரு திருப்பத்தில் வண்டியை நிறுத்தி விட்டு, திரும்பி வந்து பார்த்தால், என்னோட காரில் சங்கிலியை கட்டி இழுத்து போவதற்கு தயாராக இருந்தார்கள், அருகில் ஒரு போலீஸ், வண்டி ஓட்டுனர் ஒரு பங்காளேதேஷி, அவரிடம் நண்பா நாமெல்லாம் பக்கத்து ஊர்க்காரங்க, விட்டுருன்னு சும்மா சொல்லிப் பார்த்தேன், அதெல்லாம் நஹி நஹின்னுட்டார், அப்புறம் போலிஸிடம் போய் ஹாதா..ஹூதான்னு ஏதோ நமக்கு தெரிஞ்ச அரபியில் சொல்லி, அவரையும் ரொம்ப நல்லவராக்கி, வழிக்கு வந்த நேரத்தில் அவருக்கு ஒரு பெரிய சந்தேகம் வந்திருச்சு, ஆமா இதுமாதிரி பிடிக்கரவங்களயெல்லாம் நான் விட்டுட்டு இருந்தா என்னோட மேலதிகாரிக்கு நான் என்ன சொல்றது, அதனால நான் இந்த சீட்டுல ஏதாச்சும் எழுதிக்கிறேன்னு பேரு, ஐ.டி. நம்பர் மட்டும் எழுதிக்கொண்டார், ஆனா அபராதம் வராதுன்னு சமாதப்படுத்தினார், அதெப்படி? அவர் ஒரு பிங்க் நிற நோட்டிஸ் தந்தால் தான் சிஸ்டத்தில் தகவல்கள் ஏறுமாம், என்னவோ நல்லதே நடக்கட்டும், இது வரை முயற்சி செயத அந்தப் போலீஸ் வாழ்க!!

************

சைனாவில் ஒரு பால் பாயிண்ட் பேனா தயாரிக்கும் ஒரு கம்பெனிக்கு 1,000 டாலர் அபராதம் விதித்திருக்காங்களாம், என்ன காரணமென்றால், ’அமேரிக்க அதிபர் ஒபாமாவே எங்களோட பேனாவை தான் உப்யோகிக்கிறார்’னு விளம்பரப்படுதியிருக்காங்க!! யாரு கண்டா உண்மையா இருந்தாலும் இருக்கும்!!

***********

நேற்று டி-20 உலகக்கோப்பை, இங்கிலாந்து, ஆஸ்திரேலிய நாடுகள் மோதியது, நமது ஆசிய நாடுகளில் ஏதேனும் ஒன்று இறுதி வரை வந்திருந்தால் இன்னும் நன்றாக ரசித்து பார்த்திருக்கலாம்.

ஏதோ....

2010-04-30T07:00:00.006+03:00

வந்தும் சென்றும்

கால்களை நனைத்தது
கரையோற அலைகள்,
இன்பம்;
இங்கேயே இருக்கலாம்

ஆழம் வேண்டாமே!!

எட்ட இருந்தும்
கிட்ட இருக்கும் சிரிப்பு
இங்கேயும் இருக்கு
நிலா!!

கைகள் வருடிய
தென்றல்
கன்னங்களையும்
வருடுகிறது
தென்றலும்

தெரிந்து கொண்டதோ!!

துபாய் - BSC Forum 2010

2010-04-06T09:07:00.004+03:00

சென்ற வாரம் Balanced Scorecard (BSC) Forum 2010 துபாயில் நடைபெற்றது, இதில் கலந்து கொள்ளும் வாய்ப்பு எனக்கு கிடைத்ததில் பெரும் மகிழ்ச்சி, இதனை உருவாக்கிய Dr. David Norton & Dr. Robert Kaplan இருவரையும் நேரில் சந்தித்து, அவர்களுடன் கலந்துரையாடி மேலும் பல தகவல்களை அறிந்து கொள்ள் முடிந்தது. உலக நாடுகளின் பல முன்னனி நிறுவனங்களின் மேலாளர்களும் வந்து, தமது அனுபவங்களை பகிர்ந்து கொண்டார்கள். குறிப்பாக இன்ஃபோஸிஸ் நிறுவனத்தின் Vice President தமது சாதனைகளை பகிர்ந்ததது மிக்க மகிழ்ச்சியாக இருந்தது.

பெரும்பாலான நிறுவனங்கள் லாபத்தை (Financial measures) மட்டுமே நோக்கமாக வைத்து செயல்படுவார்கள், ஆனால் BSC முறைப்படி மனித வளம் (Human Resources), உள்கட்ட செயல்பாடு(Internal Process), வாடிக்கையாளர்கள் (Customers) இவைகளையும் அளவிட்டு பார்க்கவேண்டுமாம், இதனை நிர்வாகத்தின் மேலிருந்து, கீழ் மட்டம் வரை எப்படி அணுகுவது எனபது குறித்தே இந்த ஐந்து நாட்கள் கலந்துரையாடல். நல்ல பல புதிய அனுபவங்கள்.

பல நாடுகளிலிருந்து மொத்தம் 77 நபர்கள் இதில் கலந்து கொண்டனர், ஏழு பேர் இந்தியர்கள், துபாயில் பணி புரியும் திருச்சியை சேர்ந்த சந்திரசேகரனும் நானும் தமிழர்கள், பாவம் அவருக்கு தமிழ் மறந்து விட்டது போலும், என்னுடன் ஆங்கிலத்திலேயே பேசினார், ஏனோ மனது ஒட்டவில்லை. ஆனால், கலந்து கொண்ட இரண்டு மலையாளிகள் மிகவும் சிரமப்பட்டு என்னுடன் தமிழில் பேச முயற்சி செய்தது மகிழ்ச்சியாக இருந்தது.

அமீரகத்தின் பல அரசு நிறுவனங்கள், குறிப்பாக துபாய், அபுதாபி மற்றும் அஜ்மான், இந்த BSC முறையை செயல்படுத்த முனைப்புடன் இருப்பது நல்ல விடயம், நமது தலைநகர் டெல்லியின் Power & Water Supply துறையில் இதனை தொடங்கியிருப்பதாக சொன்னார்கள்.

சவூதியிலிருந்து துபாய் செல்வோர்க்கு விசா எடுப்பது மிக எளிது, ஏர்போர்ட்டில் 185Dhs கட்டிவிட்டால் உடனே விசா தயார். துபாயின் பொருளாதாரம் சற்று பரவாயில்லை என நினைக்கிறேன், விமான நிலையத்தில் கூட்டம் நிரம்பியிருந்தது, பழையபடி திரும்ப இன்னும் வருடங்கள் பிடிக்கும், சென்ற முறை 1,600 Dhs இருந்த ஹோட்டல் அறை தற்பொழுது 400 Dhs, ஆச்சர்யத்துடன் பரிதாபமாகவும் இருந்தது.

மெட்ரோ ரயில் எப்படித்தான் இருக்கிறது என பார்க்கலாம் என புர்ஜ்மானிலிருந்து, புர்ஜ்கலீபா வரை சென்றேன், நல்ல முயற்சி, இன்னும் விரிவு படுத்தினால் பலருக்கு உபயோகமாக இருக்கும். துபாயை பொருத்த வரை, எல்லா இடங்களிலும் வழிகாட்டி புத்தகம், வரைபடம் வைத்திருக்கிறார்கள், அதனால் யாரிடமும் அது எங்கே, இது எங்கே என கேட்கும் தேவை மிகக் குறைவு. துபாய் மால் பார்க்க வேண்டிய ஒன்று, சுற்றவே ஒரு நாள் வேண்டும் என நினைக்கிறேன். எங்களது அலுவலகத்தின் சேல்ஸ் டிவிஷன் மூலமாக துபாய் மாலின் கீழ்தளத்தில் இருக்கும் நண்டூஸ் ரெஸ்டாரண்டில் விருந்து ஏறபாடு செய்திருந்தார்கள், மொசாம்பிக்/போர்ட்ச்கீஸ் வகை சாப்பாடு வகையாராக்கள், புதிதாகவும், சுவையாகவும் இருந்தது.

பல நண்பர்களை சந்திக்கலாம் எனவே நினைத்திருந்தேன், அலுவலக வேலை, கான்ஃபரன்ஸ் என நேரப் பற்றாக்குறை, மற்றும் பல நண்பர்கள் ஷார்ஜா போன்ற தூர தொலைவில் தங்கியிருப்பதால் சந்திக்கும் வாய்ப்பு கிடைக்கவில்லை, வருத்தமாகவே இருந்த்து. இறைவன் நாடினால் அடுத்த முறை சந்திக்கலாம்.

BSC குறித்து மேலும் தகவல்கள் பெற விரும்புவோர், இங்கே தேடலாம் https://www.balancedscorecard.org/

பிடித்த பத்து பெண்கள்

2010-03-21T08:54:00.009+03:00

என்னை இந்த தொடர் பதிவிற்கு அழைத்த தேனம்மை அக்கா அவர்களுக்கு நன்றி, வேலை பளு காரணமாக சுடச்சுட இட வேண்டிய பதிவு, இவ்வளவு நாள் தாமதத்தி வந்தமைக்கு மன்னிக்கவும்.

நண்பர்களின் எல்லா பதிவுகளிலுமே இந்த பத்துக்கு பத்து வலம் வந்து விட்டது, பரவாயில்லைன்னு இதையும் படிச்சுடுங்க‌.

1) சில நாட்களுக்கு NPRல் ஷீனா ஐயங்காருடைய பேட்டியை கேட்க நேர்ந்தது, இவருடைய ஆராய்ச்சி, அவர் எழுதிய படைப்புகளை விவரித்த விதம், மேலும் தெரிந்து கொள்ளலாம் என வலையில் தேடிய போது, விடயங்கள் மிகவும் சுவாரஸ்யம்.

அவர் சோசியல் சைக்காலஜி துறையில் பல ஆராய்ச்சிக் கட்டுரைகள் எழுதியுள்ளார், நம்முடன் என்றும் சுழன்று கொண்டிருக்கும் தேர்வு செய்தல் பற்றி சமீபத்தில் The Art of Choice எனற அவரது புத்தகம் வெளிவந்துள்ளது. உதாரணமாக வீட்டைவிட்டு செல்லும் முன் இந்தக் கலர் போன் தான் வாங்க வேண்டும் என முடிவு செய்து கொண்டு போவோம், ஆனால் கடைக்கு சென்றதும் வேறு ஒன்றை வாங்கி வந்து விடுகிறோம், இது போல நாம் தெரிவு செய்யும் நட்பு, நபர்கள், என அடுக்கிக் கொண்டு போகலாம்.

இன்றைய போட்டி நிறைந்த ரீடெயில் மார்க்கெட்டில், வாடிக்கையாளர்களின் மன நிலையை அறிந்து வியாபாரத்தில் ஈடுபடுவது, நிறுவாகத்திறனை ஒருமுகப்படுத்த, உறவுகள் மேம்படவும் இது போன்ற ஆக்கங்கள் உதவக்கூடும். இவரது இன்னும் பல ஆராய்ச்சி கட்டுரைகள் பலரது பாராட்டைப் பெற்றுள்ளது. இவரைப் பற்றி மேலும் அறிய‌ http://www.columbia.edu/~ss957/book.shtml.

2) தனது மருமகளை, மகளாய் நினைக்கும் மாமியார்கள், இந்த உறவிற்குள் கீறல்கள் விழுவதற்கு பல காரணங்கள் சொல்லப்பட்டாலும், ஆழ யோசித்தால் பெரும்பாலும் பிரச்னை எளிதானதாகவே இருக்கும்.

3) எனது குழந்தைகள் படிக்கும் பள்ளியில் மூன்றாம் வகுப்பு முதல் ஆண்கள் பிரிவிலும் அதற்கு கீழ் பெண்கள் பிரிவிலும் சேர்த்து இருந்தார்கள், ஆனால் இந்த ஆண்டு முதல் மூன்றாம் வகுப்பையும் பெண்கள் பிரிவுடன் சேர்த்து விட்டார்கள், காரணம், இந்த சிறார்களை சமாளிக்க முடியவில்லையாம். ஆம், அந்தப் பொறுமையும் பொறுப்பும் பெண் ஆசிரியைகளுக்கே உரித்தான ஒன்று.

4) சென்னை போன்ற மெட்ரோ நகரங்களில் பணிக்குச் செல்லும் நடுத்தர வர்க்க குடும்பப் பெண்கள். அவர்கள் பேருந்துக்காக காத்திருந்து, இடிபாடுகளுக்கிடையே பயணித்து, அலுவலக வேலைகளுடன், வீட்டு வேலைகளையும் சுமந்து செல்லும் அவர்களை பாராட்டியே ஆக வேண்டும்.

5) சினிமா பார்ப்பதில் அவ்வளவு ஆர்வம் இல்லை, ஆனால் பாடல்கள் கேட்பதுண்டு. பிடித்த பாடகிகள் (லிஸ்ட் பெரிசாயிடுச்சு):

தமிழ் : சித்ரா & அணுராதா ஸ்ரீராம்

ஆங்கிலம் : செலின் டியோன் & ஸ்விஃப்ட் டைலர்

ஹிந்தி : அல்கா யாக்னிக் & அணுராதா படுவால்

6) தொழில் அதிபர் : கிரன் ம‌ஜும்தார் - சாதாரன ட்ரைனியாக தனது வாழ்க்கையை தொடங்கி, பிறகு வெறும் பத்தாயிரம் ரூபாய் முதலீட்டில் ஒரு நிறுவனத்தை தொடங்கி இன்று பயோகான் நிறுவனத்தை செம்மையாக நடத்தி வருகிறார்.

7) டென்னிஸ் வீராங்கனை : ஸ்டெஃபி கிராஃப்

8) குடும்பத்தலைவி : சோனியா காந்தி

9) அரசியல்வாதி : ஜெயலலிதா

10) பெண் பதிவாளர்கள் : தனது நேரத்தை உபயோகமான (?) வழியில் செலவிட்டு , பல பயணுள்ள தகவல்களை தந்து கொண்டிருக்கிறார்கள்.

கண்டதும் கேட்டதும் (07.03.2010)

2010-03-07T14:52:00.010+03:00

இந்தியப் பிரதமர் சவூதி வருகை

சில தினங்களுக்கு முன் நமது இந்தியப் பிரதமர் டாக்டர் மன்மோகன் சிங், சவூதி அரேபிய தலை நகர் ரியாத்திற்கு மூன்று நாள் பயணமாக வருகை தந்திருந்தார், முப்பது வருடங்களுக்கு முன்னர் மறைந்த திருமதி இந்திரா காந்தி அவர்களின் ச்வூதி அரேபிய பயணத்திற்கு பின் தற்பொழுது வருகை தரும் நமது பிரதமரை சவூதி மன்னரும், அவருடைய அமைச்சரவை உறுப்பினர்களும் வெகு விமர்சையாக வரவேற்றனர். நான் ஜித்தாவில் இருந்தாலும் மூன்று நாட்களும் இங்குள்ள் நாளேடுகளில் அவரது பயணம் குறித்து விரிவான செய்திகளின் மூலம் அறிய முடிந்தது.

கல்வி, பாதுகாப்பு, அறிவியல் ஆராய்ச்சி, மற்றும் பொருளாதாரம் தொடர்பான பதினோறு ஒப்பந்தங்களில் கையெழுத்திடப்பட்டுள்ளது. குறிப்பாக மிகப்பெரிய எண்ணெய் நிறுவனமான அராம்கோவின் அலுவலகம் இந்தியாவில் தொடங்குவது, இங்குள்ள அரசு பள்ளிகளுக்கு டாடா பேருந்துகள் வாங்குவது, இரண்டு நாடுகளுக்கிடையேயான பத்திரிக்கை துறை செயல்பாடுகள், கணினித்துறையில் கூடுதல் ஒத்துழைப்பு, பாதுகாப்புத் துறையில் இங்குள்ள் பல்கலை கழகத்துடன் இந்தியப் பாதுகாப்புத்துறை ஒப்பந்தங்கள் போன்றவை நிறைவேற்றப்பட்டன். வருடத்திற்கு ஆறு லட்சம் விசாக்கள் வேலைகளுக்காகவும், ஒரு இலட்சத்தி எழுபதாயிரம் ஹஜ் பயண விசாக்களும் வினியோகிக்கப்படுகிறது, இதனை இன்னும் முறையாக செயல்படுத்துவது குறித்தும் பேசப்பட்டது.

நில நடுக்கம் ஹைத்தி/சிலி:

சென்ற மாதம் ஹைத்தியிலும் அதனையடுத்து சிலியிலும் பயங்கர நில நடுக்கம், சிலியில் (8.8) ஏற்பட்ட நடுக்கத்தைக் காட்டிலும் ஹைத்தியில் (7.0) ஏற்பட்ட நில நடுக்கத்தின் அளவு குறைவே, இருந்தாலும் அங்கே இரண்டு லட்சத்திற்கும் அதிகமானோர் இறந்தனர், ஆனால் சிலியில் ஆயிரத்திற்கும் குறைவானோரே இறந்துள்ளனர். இதற்கு காரணம் என்ன? பொருளாதாரம் மற்றும் முன்னெச்சரிக்கை நடவடிக்கைகள் தான்.

சிலியின் பெரும்பாலான கட்டிடங்கள் நில நடுக்கத்தை தாங்கவும், இப்படி ஒரு அசம்பாவிதம் நிகழ்ந்தால் எப்படி தப்பிப்பது போன்ற பயிற்சிகள் அவர்களுக்கு தரப்பட்டது. ஆனால் ஹைத்தியில் அவர்கள் இடிபாடுகளிக்கிடையே சிக்கி, கான்க்ரீட் கற்கள் மேலே விழும்போது, பாதுகாப்பாக அங்கிருந்து ஓடவோ, தற்காத்துக் கொள்ளவோ அவர்களுக்கு பயிற்சியளிக்கப் படவில்லை, அச்சத்தால் அங்கெங்கும் சிதறி ஓடி மரித்தவர்களே ஏராளம்.

Money is not everything, but it is something.

டிப்ஸ்:

மனதையும், உடலையும் சுறுசுறுப்பாக வைத்துக் கொள்ள வேண்டுமா, இதோ சில குறிப்புகள்:

1. குறைந்தது ஆறு மணி நேரம் உறக்கம்.

2. உணவில் கட்டுப்பாடு

3. தினமும் அரைமணி நேரமாவது வேக நடை பயிற்சி (brisk walking)

தினசரி மனிதர்கள்

2010-02-23T12:16:00.008+03:00

தினமும் காலைப்பொழுதில் மட்டும் மகளை பள்ளியில் கொண்டுவிடுவது சமீபகாலமாக என்னுடைய பொறுப்பில் வந்து விட்டது, அந்த ஐந்து நிமிடத்திற்குள் தினமும் ஒரு சில நிகழ்வுகளை சொல்லி வைத்தாற்போல் கடந்து செல்வது வழக்கம்.

வீட்டைவிட்டு இறங்கியவுடன் எதிரே ஒரு வயதான பங்க்ளாதேஷி, தனது ஆளுகையின் (ஆமாம், இங்கே ஹாரிஸ் என அழைக்கப்படும் வாட்ச்மேனுக்கு தான் அவ்ளோ அதிகாரமும்) கீழ் தங்கியிருப்பவர்களின் அனைத்து வாகன்ங்களை துடை துடையென பளபளப்பாக்கும் மும்முரத்தில் இருப்பார், காலை வேளையிலேயே அவருடைய உழைப்பின் தளர்ச்சி தென்படும்.

சாலை திருப்பத்தில் உள்ள் குப்பைத்தொட்டியில் உப்யோகமான பொருட்கள் எதுவும் கிடைக்காதா என ஒரு குச்சியால கிண்டி கிளரி ஒரு தள்ளுவண்டியுடன் நிற்கும் சோமாலியப் பெண், பெரும்பாலும் அவ்வண்டி நிறைந்தே காணப்படும், துச்சமென தூக்கி எரியும் பல பொருட்கள் பயனுள்ளதாக மாறுவது மகிழ்ச்சியே..

இரண்டு வீடு தள்ளி, ஒரு ஆஃப்கானியச் சிறுவனை பள்ளிக்கு அழைத்துச் செல்லும் ஒரு வேன், அவன் என்றுமே தாமதப் பேர்வழி போல், அவனை அரபியில் திட்டி தீர்க்கும் எகிப்திய ஓட்டுனர். அந்த வாகனத்தினுள் உற்று நோக்கினால், உலக நாடுகளின் வளரும் நட்சத்திரங்கள் கண்மூடி ஆழ்ந்த சிந்தனையில்.

சற்று தூரத்தில் தனது வீட்டின் பங்க்ளாதேஷ் காவளாளியை கை பிடித்தபடி பள்ளிக்குச் செல்லும் மலேசிய சிறுமி.

ஒரு சில மாதங்களேயான கைப்பிள்ளையை தனது இரு கைகளாலும் இருக்கிப் போர்த்தியபடி ஒரு தாய், மூண்றாவது கைவேண்டி அவரின் முந்தானையை பிடித்து, அங்கும் இங்கும் பராக்கு பார்த்தபடி முதுகினில் மூட்டையை சுமந்து பள்ளிக்குச் செல்லும் அவரது ஒன்றாம் வகுப்பு மகள்.

தனது மூன்று பெண் குழந்தைகள் பின் தொடர, இரண்டு கைகளிலும், முதுகிலும் அவர்களின் பைகளை சுமந்தபடி ஒரு பாக்கிஸ்த்தானி, அவருடைய உயரமும், அவர் சுமந்து செல்லும் விதமும் ஏதோ மலை ஏறச் செல்வது போனற காட்சி..

இன்று வியாபாரம் சூடு பிடிக்கும் என நம்பிக்கையில் வாசல், படிகளை நன்றாக கூட்டி பெருக்கி, வியாபாரத்தை பெருக்க தயாராக நிற்கும் ’கொச்சி பஷீர் காக்கா’.

நீச்சள் குளம், ஏரோபிக்ஸ் இன்னும் பலவகையறாக்களில், சேர்த்து வைத்துள்ளதை குறைப்பதறகாகவும், உள்ளதை உள்ளபடியே வைத்துக் கொள்ளவும், பெண்களுக்கான மையம், சாலையை அடைத்தபடி அதன் முன் டாம்பீக வாகனங்கள்.

சரி பிள்ளைகளை பள்ளியில் விட்டாச்சு, விட்டிற்கு போகும் முன், அன்றைய செய்திகளை அப்டேட் செய்தபடி பள்ளி வாயில் முன் சிறு வட்டஙகளாய் அம்மாக்கள்.

அடக்கமான அப்பாவாய் வழக்கம்போல் அலுவலகம் செல்ல ஆயத்தமாய் இந்தப் பதிவாளன்.

கூகிள் பஸ் - பார்க்கிங் - பிஸ்கோத்து

2010-02-17T09:30:00.003+03:00

Google Buzz (கூகிள் பஸ்)

சமீபத்தில் சிறிது சர்ச்சையை ஏற்படுத்தி இருக்ககூடிய புதிய சமூக கட்டமைப்பு பிணையம் (Social Networking). நமக்கு பிடித்த படங்கள், வாசகங்கள், எண்ணங்கள் இவற்றை நண்பர்களுடன் எளிதாக‌ (பேஸ் புக்கை போல‌) பகிர்ந்து கொள்ள உருவாக்கப்பட்டதே இந்த பஸ். நல்ல முயற்சி தானே, பிறகு ஏன் சர்ச்சை? கூகிள் அறிமுகப்படுத்திய விதம் பலரை முகம் சுழிக்க வைத்துள்ளது. ஆம், அதுவாகவே ஊடுருவி, தனது அஞ்சல் பெட்டிக்குள் வந்தமர்ந்தது, உரிமை கொண்டாடுவது போன்ற உணர்வு. இதுவே தனி செயலியாக (application) இருந்திருந்தால் இத்தனை விவாதங்கள் இருந்திருக்காதோ?

சரி, பேஸ் புக்கை இந்த புதிய பஸ் முந்தி விடுமா? தற்போதைய புள்ளி விபரப்படி, பேஸ் புக் உபயோகிப்பவர்கள் எண்ணிக்கை 400 மில்லியன்க‌ள், ஜீமெயில் உபயோகிப்பவர்கள் எண்ணிக்கை 176 மில்லியன்களே, கூகிள் தனது ஆர்வலர்களை கவர்ந்திழுக்க பல சர்க்கஸ்களை செய்யும் என்பது பலரது கணிப்பு. தேடு பொறி (Search Engine) நுணுக்கத்திலும் அவர்கள் முன்னோடியாக இருப்பதால், காலப்போக்கில் இந்த பஸ் வெற்றி நடை போடும் என்பது வல்லுனர்களின் கருத்து.

நமது தளத்தில் வந்தமர்ந்து விட்டது, என்னவென்று தான் பார்த்துவிடுவோமே என இப்பொழுதே இதனை பலர் உப்யோகிக்கத் தொடங்கி விட்டார்கள், பேஸ்புக், ட்விட்டர், லின்க்‍இன் என பத்தோடு பதினோன்றாக இந்த பஸ்ஸும் வலம் வரும். ஓ.கே போலாம் ரைட்...

----------------
Parallel Parking (இணையாக-நிறுத்தல்)

வாகன‌ங்களை இணையாக தரிப்பிடத்தில் (Parallel Parking)சரியான முறையில் நிறுத்துவது தனி திறமையே, அவரவர் விவேகத்தை பொருத்து ஒரு சில வினாடிகள் முதல் பல நிமிடங்கள் வரை ஆகும். வரலாறு முக்கியம்ங்கிற மாதிரி நமது அன்றாட வாழ்விலும் கணக்கும் பிணைந்து முக்கியத்துவம் பெறுகிறது, லண்டன் பல்கலைக்கழகத்தை சேர்ந்த ஒரு ஆய்வாளர் இதனை ஃபார்முலா மூலம் விளக்கியுள்ளார், ஆக நமது வாகனத்தை நிறுத்தும் போது வ‌ட்டம், கோடு போன்ற வடிவவியல் (Geometry) காரணிகளை பின்பற்றுகிறோம்.

கீழே கொடுக்கப்பட்டுள்ள படம் மிகவும் உபயோகமாக இருக்கும், எப்படி, எந்த இடத்தில் சரியாக வளைத்தால், சரியாக நிறுத்தலாம் என விவரிக்கப்பட்டுள்ளது.

------------------

Biscuits (பிஸ்கோத்து)

சென்ற வாரம் வீட்டுக்கு அருகில் உள்ள மளிகை கடையில் அரபி, ஆங்கில மொழிகளால் எழுதப்பட்டு அடுக்கி வைக்கப்பட்ட பிஸ்கட் பாக்கெட்டுகளில் நடுவில் கண்ணை கவர்ந்தது தமிழ் மொழியில் 'சூப்பர் கிறீம் கிறக்கர்' என‌ எழுதப்பட்ட இந்த பிஸ்கெட் பாக்கெட், இலங்கையிலிருந்து இறக்குமதி செய்கிறார்கள். நல்லா இருக்கு.

------------

Source: The Geometry of Perfect Parking by Simon R. Blackburn
Credit: Alyson Hurt, NPR

என்ன ஒரு வில்லங்கத்தனம்...?

2010-02-07T09:26:00.003+03:00

நாம் எதற்கெடுத்தாலும் ஏதாவது ஒரு காரணம் வைத்திருப்போம் அல்லவா, வேலைக்கு ஏன் தாமதம்னு கேட்டா, அதை பஸ் மேலேயோ, ரைல் மேலேயோ போட்டு, ஒரு வழியா அன்றைய நாளை சமாளிப்போம்.

ரீடர்ஸ் டைஜஸ்ட்டில் படித்தது, இது மாதிரி கேளிக்கூத்தான உண்மையான காரணங்கள் சிலவற்றை தொகுத்து அதிலே போட்டிருந்தாங்க.

வருமான வரித் துறை

க்ளைன்ட் குறித்த நேரத்தில் வரி கட்டவில்லை

அதுவா, என்னோட க்ளைன்ட்டுக்கு 'தாமதமா வரி கட்டுகிற வியாதி '(Late filing syndrome) இருக்கு, அதனால அப்படி ஆயிடுச்சு.

தீர்ப்பு : மனோவியல் வல்லுணர்கள் ஆலோசனைப்படி இதை ஏற்க முடியாது. மரியாதையா ஃபைனோட பணத்தை கட்டு.

தசம தானம் (Decimal point) எபோதுமே குழப்பமப்பா

ரேன்டி கணக்கில் $1,772.50 க்கு பதிலா $177,250 இருந்துச்சு, சரி பிரச்ணையில்லை, கமுக்கமா அடுத்த நாளே விட்டைப் பூட்டிட்டு ஹவாய் தீவுக்கு கிளம்பிட்டாங்க.

சாரிங்க, எங்களுக்கு இது மாதிரி பெரிய தொகை அடிக்கடி கணக்கில வந்து விழும், அதனால நாங்க இந்த டெசிமல் குழப்பத்தை கவனிக்கல.

தீர்ப்பு : எங்களுக்கு ஏற்கனவே காது குத்தியாச்சு, புடிச்சு வைங்கடா உள்ளே.

சாலை விதி மீறல்

என்னய்யா இப்படி குடிச்சிட்டு வண்டி ஓட்டுற?

அய்யா நான் குடிக்கலங்க, அந்த ரெஸ்டாரன்டில் உள்ள் சேனிட்டைசர்ல அவ்ளோ ஆல்கஹால ஊத்தி இருக்காங்க, முகத்தை அதில தொடச்சுதுக்கே இந்த மாதிரி ஆயிடுச்சு.

ஹே நிறுத்து நிறுத்து, ஏன் இவ்ளோ வேகமா போறீங்க?

1. எனக்கு முன்னாடி போனவன் இது மாதிரி தானே போனான்.

2. நான் உச்சா போவணும்

3. எனக்கு எவ்ளோ லிமிட்ல போவணும்னு மறந்திடுச்சு

4. நாங்க குழந்தை பெத்துக்கிற மூடல் இருந்தோம், அதனால...

5. என்னோட நண்பன் ஊரிலரிந்து வருகிறான், அவன் மனைவிய உடனே பார்ககணும்னு சொன்னான், அதான் வேகமா போறேன்.

அலுவலம்

நேத்து வேலைக்கு வராம எதுக்குப்பா டிமிக்கி கொடுத்திட்ட?

1. அதுவா, மறந்திட்டு நான் பழைய ஆஃபிஸுக்கு போய் வேலை பார்த்துட்டு இருந்துட்டேன்.

2. என்னோட வேலை பரிபோவது மாதிரி கன‌வு கண்டேன், அதனால படுக்கையை விட்டு எழுந்திருக்க பிடிக்கவில்லை.

3. என்னோட ஷூவை யாரொ திருடிட்டு போய்ட்டாங்க‌

4. வருகிற வழியில ஒரே பனிமூட்டம், வழி மாறி எங்கேயோ போய் விட்டுருச்சு.

5. என்னோட நாய் போலிசுக்கு போன் பண்ணிடுச்சு, அவங்க வந்து என்கொயரி அது இதுன்னு படுத்திட்டாங்க, அதனால வரமுடியல.

டாப் மோஸ்ட்

நீ ஏம்மா உன்னோட நண்பன இப்படி அடிச்சுருக்கே, விரல்களையெல்லாம் கடிச்சு இருக்கியே.

ஆமா பின்னே என்ன, ஒரு நாளைக்கு எனக்கு 10 மார்ஸ் சாக்லெட் சாப்பிடணும், அவன் என்னடான்னா ஒண்ணு, ரெண்டுன்னு வாங்கித்தரான், சரியான பசி அதான்....

-------------------------------------------------------------------------------------------------

Maybe you don't like your job, maybe you didn't get enough sleep, well nobody likes their job, nobody got enough sleep. Maybe you just had the worst day of your life, but you know, there's no escape, there's no excuse, so just suck up and be nice. ~Ani Difranco

எப்படி அணுகலாம்?

2010-01-24T20:58:00.008+03:00

Picture source : www.rcowen.com

எனது குழந்தைகள் படிக்கும் பள்ளியின் சார்பாக 8, 9, மற்றும் 10ம் வகுப்பு மாணவர்களின் பெற்றோர்களுக்கு மட்டுமான‌ ஒரு சந்திப்புக்கு சென்ற வாரம் ஏற்பாடு செய்து இருந்தார்கள். சிறப்பு விருந்தினராக இந்தியாவிலிருந்து டாக்டர். கே.எஸ். டேவிட் (Centre Institute of Behaviour Science, Cochin) அவர்களை அழைத்திருந்தனர். Behaviour Science & Human Resource நிபுணரான‌ இவர் பல்வேறு கல்வி நிலையங்கள், நிறுவனங்களில் இது போன்ற கருத்துரங்கள் நடத்தி வருகிறார்.

இரண்டு மணி நேரம் நடந்த கலந்துரையாடலில் பெரும்பாலும் அவர் வலியுறுத்திய கருத்துக்கள்:

குழந்தைகளிடம் நாம் நெருக்கமாகவும், நல்ல ஒரு நண்பனைப் போலவும் பழக வேண்டும். அவர்களுக்கு தன்னம்பிக்கை கூடுவதுடன், எந்த ஒரு பிரச்ணையும் எளிதாக, மனம் திறந்து பகிர்ந்து கொள்ள இலகுவாக இருக்கும், இல்லையேல், யாரிடம் சொலவது எனற குழப்பமே அவர்களின் மனச்சோர்வினைக் கூட்டும் அல்லது தவறான வழிமுறைகளை கையாள் நேரிடலாம். Be a Friend and Mentor!! குழைந்தைகளோடு சேர்ந்து நாமும் வளர வேண்டும் (Grow with your child).

இந்தக் காலச் சூழல், ஊடகத்தின் தாக்கம், பாலுணர்வைத் தூண்டக்கூடிய விடயங்கள் கைகளுக்கு எட்டும் தொலைவில் எளிதாகவும் மலிவாகவும் கிடைக்கிறது, பெற்றோர்கள் எத்தனை கட்டுப்பாடு விதித்தாலும், நமக்குத் தெரியாமல் அதை உடைக்க பல்வேறு வழிகள், ஆக இந்த விடயத்தையும் பெற்றோர்கள் தெளிவாகவும் சரியாகவும் புரிய வைக்க வேண்டும், இல்லையெனில் நண்பர்கள், இணையம் வழியாக கிடைக்கும் தவறான தகவல்களால் வழி மாறிச்செல்லக்கூடும்.

பெற்றோர்களுக்கிடையே கருத்து வேறுபாடு வரலாம், அது குழந்தைகளுக்கு தெரியும்படியோ, அல்லது இருவருக்கிடையே உள்ள கோபத்தின் தாக்கத்தை குழ்ந்தைகளிடம் காட்டுவதோ கூடாது.

குழந்தைகளின் நினைவாற்றலை மூன்று வகைப்படுத்தலாம், செவி வழி (Auditory), பார்த்து உணர்தல் (Visual), அல்லது எதையும் செய்து பார்த்து (Practical) நினைவிற்கொள்தல். இம்மூன்றில் நமது குழந்தைகள் எவ்வகை என கவனித்து அதற்கேற்ப அணுக வேண்டும்.

(இந்த மவுச கிளிக் செஞ்சு இந்த அப்ளிகேஷனை ஒப்பன் செய்ய வேண்டும்னு சொன்னா, சிலர் அப்படியா தலையாட்டிட்டு போய்டுவாங்க, சிலர் அதை க்ளிக்கி ஓப்பன் செஞ்சா தான் திருப்தி படுவாங்க)

குழந்தைகள் எதிர்பாராத தருணத்தில் பரிசளிக்க வேண்டும், மதிப்பெண் கூடுதல் எடுத்தால், முதல் மார்க் வாங்கினால் என மகிழ்ச்சி பகிர்தலை கட்டுப்படுத்த வேண்டாம்.

சில குழந்தைகள் கேள்விகள் நிறைய கேட்டுக்கொண்டே இருப்பார்கள், சலிப்படையாமல் தகுந்த பதில் சொல்லி அவர்களை திருப்தி படுத்த வேண்டும்.

குழந்தைகளை உலவு வேலைக்காக‌ ஒரு போதும் பயன்படுத்தக் கூடாது, அம்மா யார்கிட்ட போன் பேசுனாங்க? அப்பா அந்த ஆன்ட்டி கிட்ட என்ன பேசினாங்க, இது மாதிரி சந்தேகங்களை குழந்தைகளைக் கொண்டு அணுகவேண்டாம். இது பெற்றோர்களின் மேல் தவறான அபிப்ராயத்தை ஏற்படுத்தும் அல்லது இதை வைத்து குழந்தைகள் தவறான வகையில் பயன்படுத்த ஊக்கமளிக்கும்.

Decision Making என்று சொல்லக்கூடிய முடிவு எடுக்கும் திறனை சிறு வயதிலிருந்தே ஊக்கபடுத்தி, சுதந்திரமும் கொடுக்க‌ வேண்டும்.

பல திடுக்கிடும் உண்மைச் சம்பவங்கள் அந்த நிபுணர் பகிர்ந்து கொண்டது, நிகழ்ச்சியின் நோக்கத்தையும், நமது பொறுப்பையும் வலுவாக உணர்த்தியது.

கணப் பொழுதுகள்

2010-01-11T14:01:00.000+03:00

Picture Source :http://i.d.com.com

உரக்கப் பேசிடும்
மெளன மொழிகள்

விழிகளில் வழிந்தோடும்
விசும்பல்கள்

படர்ந்து சுழலும்
உணர்வலைகள்

தேங்கிய ஏக்கங்கள்
வெள்ளப் பிரளயம்

மோக முட்கள்
கீற‌ல்கள் மேனியெங்கும்

வதைக்கும் வெதும்பல்கள்
வெப்பக் கதிர்வீச்சு

கனவுகளால் தொடரும்
பொழுதுகள் கண‌ம்

தீண்ட ஆறிடுமோ
தீராத ரணங்கள்?

info@பதில்சொல்லுங்க.com

2010-01-06T12:03:00.000+03:00

Picture Source : http://www.insidesocal.com/tomhoffarth/customer-service.jpg

தற்பொழுது எந்த ஒரு பொருள் வாங்கினாலும் அதன் உறையில் அவங்க கம்பெனி info@xyz என மின்னஞ்சல் முகவரி காணப்படுகிறது. இது எந்த அளவுக்கு நமக்கு உதவுகிறது. என்னுடைய அனுபவங்கள் சில.

ஒரு முறை செய்தித் தாளில் விளம்பரம், கேனான் கேமரா வாங்கினால் அதனுடன் மேலுறை இலவசமா கொடுக்குறோம்னு, ஷோ ரூமில் கேமரா வாங்கப்போனபோது அப்படியெல்லாம் எங்களுக்கு ஒரு ஆணை வரவில்லை, எங்களுக்குத் தெரியாதுன்னு சொன்னாங்க. விவாதித்து உபயோகம் இல்லையென பட்டது, அன்றைக்கே கேனானோட info முகவரிக்கு விளக்கத்துடன் என்னுடைய‌ கைபேசி எண்ணையும் கொடுத்தேன். அடுத்த நாளே ஷோரூமில் இருந்து அழைப்பு வந்தது, தாங்களின் புகார் தலைமை அலுவலகத்திற்கு கிடைத்தது,இந்த சலுகையில் முதல் நாளாக இருந்ததால் சிறிய குழப்பம், தாங்கள் உடனே வந்து உறையினை வாங்கிக் கொள்ளுங்கள். அட பரவாயில்லையே..!!

USB Pen Drive வருவதற்கு முன்னால், ப்ளாப்பி உபயோகப்படுத்திக் கொண்டிருந்த காலம், கடைக்கு போய் Imation ஒரு பெட்டி (10 ப்ளாப்பி)வாங்கினேன். பெட்டிய திறந்து பார்த்தால் அதில் ஒட்டக்கூடியா லேபிலைக் காணோம், அடக் கொடுமையே, உடனே infoக்கு ஒரு மின்னஞ்சல் தட்டு, நான் வாங்கிய பெட்டியின் Reference Number கொடுத்தேன். லேபில் இல்லாததற்கு என்ன காரணம், மறதியா, இல்லை இனி அதை தனியா போட்டு காசு சம்பாதிக்க போறீங்களா. அந்த மின்னஞ்சல் கனடா போய்ட்டு அங்கிருந்து துபாய் அலுவலகம் சென்று அங்கிருந்து பதில் வந்திருந்தது, பிழையாக இது நிகழ்ந்திருக்கலாம் அதனால் லேபிலகள் கூரியரில் அனுப்பியிருப்பதாகவும் கூறியிருந்தார்கள். மூன்று நாளைக்கு பிறகு ஒரு Aramex பாக்கெட் வந்திருந்தது, நான் வாங்கியதோ 10 ப்ளாப்பிகள் தான், ஆனால் அவர்கள் 100க்கு மேல் அனுப்பியிருந்தார்கள்!! அவர்களை பாராட்டி ஒரு பதில் அனுப்பினேன். கனடா மேளாலருக்கோ மிக்க மகிழ்ச்சி, அன்று முதல் நாங்க ரெண்டு பேரும் நல்லா தோஸ்து ஆயிட்டோம்கிறது வேறு கதை.

எங்கள் நிறுவனத்தின் info மின்னஞ்சல்களை நிர்வகிக்கும் பொறுப்பு ஒரு வருடம் (2007) என்னிடம் இருந்தது, சராசரியாக ஒரு நாளைக்கு 200 மின்னஞ்சல்கள் வரும், பெரும்பாலும் பணிகள் வேண்டியே (Recruitment)வரும், மற்றவை (Customers) வாடிக்கையாள்ர்கள், (Suppliers) வழங்குவோர் இப்படி நிறைய வருவதுண்டு, ஆனால் அனைத்தும் சரியாக முறைப்படுத்தப்பட்டு சரியான இடத்திற்கு அனுப்பி வைக்கபடும். We never ignore!!

"Never divorce a customer, unless you are willing to face the consequences"

தீர்வு

2009-12-30T12:30:00.000+03:00

Picture source : http://www.squidoo.com/bad_habits

சின்ன வயசு

சிகரெட் ஆசை

சிறிதாய் சீண்ட‌

சுலபமாய் பற்றியது

நல்ல வேளை

யாரும் காணவில்லை

மதுப் பழக்கம்

மதி மயக்குமாமே

மெதுவாய்‌ தீண்ட‌

அதுவாக தொடர்ந்தது

நல்ல வேளை

யாரும் காணவில்லை

எல்லை மீறிய இன்பம்

பகலும் இரவானது

சிந்தையில்லாமல் சிந்தி

சில்லரையும் கரைந்தது‌

நல்ல வேளை

யாரும் காணவில்லை

சின்ன வயசு

அழுது புலம்பும் அம்மா அப்பா

அசையா உடல் கண்டு

அதிர்ந்தது பலர் நெஞ்சம்

நல்ல வேளை

நான் அங்கு இல்லை!!

---------------------------------------

அனைவருக்கும் ஆரோக்கியமான புத்தாண்டு நல்வாழ்த்துக்கள்!!

WISH YOU ALL A HAPPY, HEALTHY & PROSPEROUS NEW YEAR!!

தேன்'நீ'

2009-12-20T16:05:00.000+03:00

கழுகுப் பார்வை

முட்டி மோதியது

திட்டமிட்டே வட்டமிட்டது

வண்டின் கொடிய‌ அம்புகள்!!

காதல் மகரந்தம்

நுகரத் துணிவில்லை

மண்டியிட்டது மலரிடம்

மானுட வேடம்!!

அழகின் செருக்கில்

மலரின் சிரிப்பு

ஆதவன் ஒளியில்

மின்னலாய் மிளிர்ந்தது!!

வெதும்பிய வண்டு

வதங்கா ஆசை

துவலா வேட்கை

தணியா விருப்பம்!!

பெயர்ந்தது பொழுதும்

குனிந்தது மலரும்

கணிந்தது பார்வை

வண்டது வென்றது

களிப்பினில் குளித்தது

மோக மேகம்

திரண்டது திரளாய்,

கணமழையில் இன்பம்

தேனாய் நனைந்த‌து!!

(டிஸ்கி : என்னையும் கவிதை எழுத ஆணையிட்டது யாருப்பா??!!)

கண்டதும் கேட்டதும் (16.12.2009)

2009-12-15T20:22:00.009+03:00

சுழலும் வீடு

இது ஒரு புது மாதிரியான வீடு, ஆஸ்திரேலியாவில், வின்காம், பகுதியில் இந்த சுழலும் வீடு புதுசா கட்டியிருக்காங்க. சூரியன் எந்த திசையில போகுதோ, அந்த ப்க்கம் கூடுதலா வெளிச்சம் கிடைக்கிறதுக்காக இப்ப்டி வடிவமைச்சு இருக்காங்க, பல லட்சம் டாலர்கள் கொட்டி இந்த வீட்டை கட்டி இருக்காங்க, இதுல குடியிருக்கிற ஜோடி (பிங்க்கி & பாங்க்கின்னு வச்சுக்கலாம்), ராத்திரியில தூங்கும்போது கிழக்கு பக்கம் தலை வச்சு தூங்குவாங்களாம், காலை எழுந்திருக்கும்போது வடமேற்கு திசையில எழுந்திருப்பது மிகவும் ஆனந்தமாகவும், மகிழ்ச்சியாகவும் இருக்காம். நாம பொதுவா ஒரு வீட்டுக்கு போனா, வாங்க வீட்டை சுத்தி காட்டுறேன்னு சொல்லுவாங்க, ஆனா அது இந்த பிங்க்கி பாங்க்கி வீட்டுக்குதான் பொருந்தும். ஆனா இந்த தெருவுக்கு வருகிற போஸ்ட்மேன், பால் கொண்டு வருகிறவங்களுக்கு வாசல் ஒவ்வொரு நாளும் மாறி மாறி இருக்கிறது குழப்பமா இருக்கும். (Reference : www.greendiary.com)

சிக்னல் சிக்கல்

எங்க அலுவலகத்திலிருந்து வீட்டுக்கு போகும்போது ஒரு சிக்னல் இருக்கு, சில மாதங்களுக்கு முன் அதுல கவுன்ட்டிங் முறை, அதாவது சிவப்பு நிறம் வந்தா 90 வினாடிகளும், பச்சை நிறம் மாறும் போது 30 வினாடிகளும் இருக்கும், சிறிது நாட்களாக பச்சை நிறம் மாறினால் அது 01 லேயே நிக்கும், நாம பாட்டுக்கு இப்ப மாறுமோ, அப்போ மாறுமோன்னு வண்டிய உருட்டிக்கொண்டு போகணும். ஆனா நேற்றிலிருந்து பாருங்க சிவப்பு நிற விளக்கு மறையாமல், பச்சை நிறம் வந்துடுது, இரண்டு நிறமும் சேர்ந்து எரிவதால் இன்னும் பிரச்ணை கூடுதலா ஆயிடுடச்சு. ஒரே டென்ஜன்...

வருடம் 2010

இன்னும் இரண்டு வாரத்தில் புது வருடம் 2010 பிறக்கபோகுது, அதை இரண்டாயிரத்து பத்துன்னு (Two thousand and ten))சொல்வதா இருபது (Twenty Ten))பத்துன்னு சொல்வதான்னு ஒரு சர்ச்சை பல நாடுகளில் கிளம்பி இருக்கு, யாருப்பா அது, கொண்டு வாங்க சொம்பையும், ஜமுக்காலத்தையும், கூட்டுங்கடா பஞ்சாயத்தை, நீங்க எப்புடி வேணும்னாலும் சொல்லுங்க ஆனா அமைதியா அடிச்சுக்காம எங்கள வாழ விட்டா சரி.

மன நிறைவு

2009-12-14T08:00:00.000+03:00

Picture source : http://www.designofsignage.com

இன்று எப்படியாவது இந்த பணத்தை கட்டிவிட வேண்டும், இரண்டு நாட்களாக‌ முயன்றும் இந்தப் பக்கம் வரமுடியவில்லை, இன்றைக்கு அலுவலகத்தில் ஒரு மணி நேரம் அனுமதி வாங்கியாச்சு, முடித்துவிடலாம்.

வங்கிக்குள் நுழையும்போதே, வரிசையின் நீளம் கொஞ்சம் மிரட்சியாகவே இருந்தது. ஒரு கவுன்ட்டரில் கணினி பிரச்னை, இன்னொரு கவன்ட்டருக்கு ஆள் வரவில்லையாம், இருப்பது ஒரே ஒரு கவுன்ட்டர், வரிசையில் நின்று இருபது நிமிடம் கடந்து விட்டது, எனக்கு முன்னால் இன்னும் ஒரு முப்பது பேர் இருந்தார்கள், இன்னும் முக்கால் மணி நேரத்தில கவுன்ட்டர் வேறு மூடிடுவாங்களாம்.

அப்போது ஒரு பெரியவர், கையில் மஞ்சல் பையுடன், உள்ளே நுழைந்தார், வரிசையின் நீளத்தைக் கண்டு அவரது முகத்தில் ஏமாற்றம் படர்ந்ததை என்னால் உணர முடிந்தது, பார்வை அங்கேயும், இங்கேயும் ஓடியது, நான் அவரை கூர்ந்து கவனித்ததாலோ என்னவோ, அவர் நேராக என்னிடம் வந்து, ஏதோ சொல்ல எத்தனித்தார், அதற்க்குள், வரிசையின் கடைசியிலிருந்து "அய்யா பெரியவரே, இங்கே இப்படி வந்து நில்லுங்க, நாங்களும் வேலை, வெட்டிய விட்டுட்டுதான் வந்திருக்கோம்", பெரியவர் என்னிடம், தம்பி, இந்த பணத்தை இன்னைக்குள்ள கட்டணும், இல்லாட்டி வட்டி போட்டுருவாங்க, கூட்டமும் அதிகமா இருக்கு, கவுன்ட்டரும் சீக்கிரம் மூடிருவாங்க போல, கொஞ்சம் உதவி செய்வீங்களா?, உதவி செய்தே ஆகவேண்டுமென தோன்றியது "சரி அய்யா, நீங்க அங்கே போய் உட்காருங்க, நான் பணத்தை கட்டிடுறேன்" எனக்கு பின்னாடி இருந்தவர், "ஹலோ, நீங்க பாட்டுக்கு வர்ரவங்க கிட்டே இப்படி சர்வீஸ் செஞ்சுக்கிட்டே இருந்தா நாங்க எப்போ வேலைய முடிக்கிறதாம், உங்க சமூக சேவையை கொஞ்சம் தள்ளி வச்சுட்டு உங்க வேலய மட்டும் பார்த்துட்டு போங்க சார்".

வட்டி ஒரு நச்சு, உயிர்க்கொல்லி, ஏன் இந்தப் பெரியவர் தனது பணத்தை அவசியில்லாமல் ஒரு நாள் தாமத்திற்காக இழக்க வேண்டும், நான் இழப்பதோ அரை மணி நேரந்தான், சில வினாடிகள் சிந்தனை ஓடியது, "அய்யா இப்படி வந்து என்னோட இடத்தில் நில்லுங்க, எனக்கு அவசரமா பணம் கட்ட வேண்டுமென்று அவசியம் இல்லை, நான் நாளைக்கு கூட வந்து கட்டிக்குவேன், நீங்க அமைதியா நின்னு உங்க பணத்தைக் கட்டிட்டு போங்க". அவரை அங்கே நிறுத்திவிட்டு, ஏதோ ஒரு நல்ல காரியம் செய்த திருப்தியில் அங்கிருந்து அலுவலகம் திரும்பினேன்.

மணி 5 ஆகி விட்டது, இன்றைக்கு புதிய பதிவுலக நண்பர் ரமேஷ் தனது வீட்டிற்க்கு அழைத்திருந்தார், 6 மணிக்கு அவரை சந்திப்பதாக ஒப்புக்கொண்டேன். இரண்டு வாரங்களுக்கு முன் அவருடைய அலுவலகத்தில் சந்தித்தது, என்னைவிட மூன்று வருடங்கள் மூத்த்வர், நல்ல பண்பான மனிதர்.

சொன்ன சமயத்திற்க்குள் ரமேஷ் வீட்டை அடைந்து விட்டேன், அழைப்பு மணி அடித்து, கதவை திறந்ததும் ஆச்சர்யம், வங்கியில் சந்தித்த அந்தப் பெரியவர் ரமேஷ் வீட்டில்,
"அய்யா நீங்களா?",
"அட வாங்க தம்பி, உள்ளே வாங்க, நாம் இவ்ளோ சீக்கிரம் மீண்டும் சந்திப்போம்னு நினைக்கவே இல்லை",
அப்போ ரமேஷ்?,
"அவன் என்னோட பையன் தான், உங்களுக்கு அவன தெரியுமா?",
"ஏம்மா இங்க வா யாரு வந்திருக்காங்க பாரு",
"இப்படி உக்காருங்க தம்பி", பெரியவரின் உற்சாகத்தில், அவர் என்னைவிட இளமையாகவே தோன்றினார்.
"இவருதான் பேங்க்கில இன்னக்கி உதவி செய்தவர்மா"

"அப்படியாப்பா, உங்கள பத்தி தான் இன்னக்கி முழுசும் பேசிக்கிட்டு இருக்கார்"

"எங்கே ரமேஷ், அவன் இன்னுமா குளிக்கிறான்", அதற்க்குள் ரமேஷ் வந்து விட்டார்,

"டேய் ரமேஷ், இவரு உன்னோட ப்ரென்டா, இவரு தாம்ப்பா இன்னக்கி பேங்க்கில் ஹெல்ப் பண்ணியது"

"ரொம்ப தேங்க்ஸ் ரமேஷ், அந்த நல்லவன் நீ தானா, நீ மட்டும் ஹெல்ப் பண்ண்லைனா ஆறாயிரம் ரூபாய் தண்டத்திற்க்கு வட்டி கட்டியிருப்போம்".

நான் செய்த அரைமணி நேர தியாகத்திற்கு இத்தனை விளைவுகளா, இவ்வளவு பாராட்டா? நான் மட்டும் அந்த வரிசையில் நின்ற மற்றவர்களைப் போல 'அய்யா போய் வரிசையில நில்லுங்கன்னோ, சமூக சேவையை அப்புறமா செஞ்சுக்கலாம்னு இருந்திருந்தால், இப்படி இவர்கள் முன்னிலையில் இருக்கையில் அமர்ந்து பேசிக்கொண்டிருக்க முடியுமா, இவர்கள் முகத்தை தான் ஏறிட்டு பார்த்திருப்பேனா? கிடைத்த வாய்ப்பை நழுவ விடாமல், நடைமுறையில் என்னால் முடிந்ததை செய்து, இந்த மூவரின் அன்பையும், அவர்களின் மன நிறைவையும், கண்டு அகமகிழ்ந்து, அவர்கள் அன்போடு பரிமாறிய காப்பியை அருந்திவிட்டு புதியவனாய் அவர்களிடமிருந்து விடை பெற்றுக் கொண்டேன்.

-----------------------------------------------------------------------------------------------------------------------

எனது இந்த ஐம்பதாவது இடுகையை எனது அன்பான வலையுலக நண்பர்களுக்கு சமர்ப்பிப்பதில் மன நிறைவுடன் மன மகிழ்வும் அடைகிறேன்.

கண்டதும் கேட்டதும் (10.12.2009)

2009-12-10T23:03:00.005+03:00

இரண்டு வாரங்களுக்கு முன் ஒரு நாள் மழையால் ஏற்பட்ட வெள்ளம், அதனைத் தொடர்ந்து வானம் தினமும் 2012 படக்காட்சி போல மிரட்டிக் கொண்டு இருந்தது. இன்றைக்கு தான் வானம் தெளிவாக இருந்தது. இந்தப் படங்கள் எங்கள் அலுவலகத்தின் பத்தாவது மாடியிலிருந்து எடுத்தது.

வானம் 10.12.2009

வானம் 08.12.2009

சென்ற வாரப் பயணம்‍

2009-12-06T10:32:00.015+03:00

சென்ற வாரம் சென்னைக்கு ஒரு துரிதப் பயணம், இது வரை சவூதியா அல்லது எமிரேட்ஸில் தான் பயணிப்பது வழக்கம், முதன் முறையாக சிரிலங்க்கன் ஏர்லைன்ஸில் செல்லலாம் என டிக்க்ட் போட்டாச்சு, அதாவது கொழும்பு வழியாக சென்னைக்கு செல்லும். விமானம் மாலை எட்டு மணிக்கு புறப்பட வேண்டும், ஏதோ மின்சாரக் கோளாறாம், ஒரு மணி நேரத்தில் சரியாகி விடும்னு சொன்னாங்க, முன்பு எமிரேட்ஸினால் நிறுவகிக்கப்பட்டது, அப்போ நன்றாக இருந்ததுன்னு இப்போ இப்படி ஆயிடுச்சேன்னு சக பயணிகள் புலம்பித்தள்ளினார்கள், இது போன்று கோளாறுகளுக்கு சரியான Planned Maintenance இல்லைன்னு நினைக்கிறேன்.

மணி 11ம் ஆச்சு, சரியான பசி, ஏர்போர்ட்டில் இருக்கு ரெஸ்டாரன்ட்டில் ஒரு வெஜிடபில் பஃப்ஸ் 8 ரியாலுக்கும், ஒரு டீ 12 ரியாலுக்கும் வயிறு எரிய குடித்தோம், அந்த பாழாபோன டீக்கு எதுக்கு 12 ரியால் (கிட்டத்தட்ட 150 ரூபாய்) கொடுத்தோம்னு எனக்கு இன்னைவரை புரியலைங்க. பத்து நிமிடம் கழிச்சு ஒரு ஆள் வந்து விமான் புறப்பட இன்னும் ஒரு மணி நேரம் ஆகுமாம், அதனால எல்லோருக்கும் டின்னர் கூப்பன் கொடுக்கப்போறோம்னு சொன்னாங்க, அடப்பாவிகளா இத கொஞ்ச நேரம் முன்னாடி சொன்னா என்னாங்கடா, சும்மா வந்த கூப்பனை ஏன் விடனும்னு அதையும் வாங்கி லபக்கியது சொல்லனுமா என்ன?.

நள்ளிரவு ஒரு மணிக்கு விமானத்தில் ஏறி உட்கார்ந்தாச்சு, விமானத்தில் உள்ளே நுழையும்போது, அயூபவன், அயூபவன்னு அந்தப் பெண் சாவி கொடுத்த பொம்மையைப் போல‌ ஒவ்வொருவருக்கும் கைக்கூப்பி வணக்கம் சொலவது, எனக்கு என்னவோ தேவையில்லாத ஒரு சடங்காக தோண்றியது. கேப்டன் Ready for take offனு சொல்லிட்டு, தாமத்திற்க்கு மன்னிக்கவும், IATA விதிப்படி, விமான ஓட்டியும் சிப்பந்திகளும் ஒரு சில மணி நேரத்திற்க்கு அதிகமாக வேலையில் அமர்த்தக்கூடாதாம், அதனால் உங்களை குவைத்திற்க்கு அழைத்துச் செல்கிறோம்னு, அங்கிருந்து வேறு ஒரு க்ரூப் இந்த விமானத்தை ஓட்டிச் செல்லும்னு ஒரு குண்டை போட்டாங்க, சில பேர் இங்கேயே விமானத்தை நிறுத்து நாங்க இறங்கிடுறோம்னு ஒரே சத்தம், இதற்க்கிடையே விமானம் 18,000 ஆயிரம் அடி உயரத்தில் பறந்து கொண்டு இருந்தது.

விமானம் அதிகாலை 4 மணியளவில் குவைத் சென்றடந்தது, கேப்டன் மறுபடியும் ஒரு புழுகு மூட்டையை அவிழ்த்து விட்டார், அதாவது ஒரு சிறு மணித்துளிகளில் விமானம் புறப்படும், சரி எத்தனை மணிக்குப்பா புறப்படும், கீழே இறங்கி கொஞ்ச நேரம் காத்திருங்க, நாங்க அறிவிப்போம்னு சொன்னாங்க, எல்லொரும் முனுமுனுத்துக் கொண்டே இறங்கியவுடன், எல்லோருக்கும் ஹோட்டல் தங்குவதற்க்கு கூப்பன் கொடுத்தாங்க, இது எதுக்குப்பா, அப்பொத்தான் சொன்னங்க விமானம் 11 மணிக்குதான் புறப்படுமாம், எனக்கு என்னச் செய்வதன்றேன் புரியவில்லை, செல்வதோ ஒரு வாரப் பயணம் இதில் ஒரு நாள் வீணாகி விட்டதேன்னு வருத்ததுடன் கோபம், எதுவா இருந்தாலும் ஏர்லங்க்கா தலைமையகத்திற்க்கு கம்ப்ளெய்ன்ட்டு பண்ணுங்கன்னு சொல்லிட்டாங்க, அதுவும் சரியே, பாவம் இவர்கள் என்ன செய்வார்கள். விமான நிலையத்திலேயே இருந்தது அந்த ஹோட்டல், அறைக்கு எதிரிலேயே விமானங்கள் அங்கங்கே நிறுத்தி வைத்தது இருந்தார்கள், லைசன்ஸ் இருந்தால் அதனை எடுத்துக்கிட்டு பறந்திடலாம்னு தோண்றியது.

(ஹோட்டல் அறைக்குமுன் நிறுத்தி வைக்கப்பட்டிருந்த விமானம்)

சரியாக 11:30 மணிக்கு குவைத்திலிருந்து விமானம் புறப்பட்டது, அறிவிக்கும்போது 39,000 அடி உயரத்தில் பறக்கும்னு சொன்னாங்க, ஆனா ஒரு சில நிமிடங்களே அந்த உயரத்தை தக்க வைக்க முடிந்தது, தடாலென 28,000 அடியிலேயே ஓட்டினார்கள், இன்ஜின் திறம் அவ்வளவு தான் போல, அதனால் வேகமும் குறைவாகவே இருந்தது, மணிக்கு 800 முதல் 900 கிலோ மீட்டரே செல்ல முடிந்தது, இதுவே எமிரேடஸாக இருந்தால் வேகத்தை நிச்சயமாக கூட்டி இருப்பார்கள்.

ஏர்லன்ன்காவின் ஸ்பெஷல் மதுவினை அந்த மாதுக்கள் அளவில்லாமல் ஊற்றிக் கொடுப்பது தானாம், எனக்கு பிடிக்காத விடயம், எனக்கு அருகில் இருந்த சக பயண நண்பர் டாக்டர். ராமச்சந்திரன் குடிக்கும் பழக்கம் இல்லாதவர், அதனால் சற்று நிம்மதி, அவரே ஆச்சரயப்பட்டார், "என்னங்க நம்ம மக்கள் இப்படி தண்ணியில நீந்துறாங்க". அதைவிட கொடுமை பாட்டில் பாட்டிலாக விமானத்திலேயே போட்டி போட்டுக் கொண்டு விலைக்கு வேறு வாங்கி வைத்துக் கொள்கிறார்கள். தான் சீரழிவது மாத்திரமல்லாமல் தனது குடும்பம், நண்பர்களையும் இப்படி அழிக்கிறார்களேன்னு என்னோடு சேர்ந்து ராமச்சந்திரனும் வருத்தப்பட்டார்.

இதற்க்கிடையே எனக்கு பின்னால் இருந்த ஒருவர், தனது கைப்பேசியை குடைந்து கொண்டு இருந்தார், அங்கே வந்த ஏர்ஹோஸ்டஸ் தயவு செய்த ஸ்விட்ச ஆஃப் செய்யுங்கள் என்றார், அவர் இல்லை நான் பிளைட் மோட்ல (Flight mode) தான் வச்சிருக்கேன், இதில எனக்குப் பிடித்த பாட்டுக்கள் இருக்கு அதைத்தான் நான் கேட்கிறேன், அதனால் ஒரு பாதகமும் இல்லைன்னு சொல்ல, உடனே அந்தப் பெண் தனது சூப்பர்வைசரை அழைத்து வந்து, ஒரு வழியாக விவாதித்து அவர் வாயையும், கைப்பேசியையும் மூடி விட்டுச் சென்றனர்.

மாலை 6 மணிக்கு கொழும்பு சென்றைடைந்தது, பச்சைப் பசேலன அருமையான ஊர், விமான நிலையத்தின் அமைப்பு துபாய் விமான நிலையத்தினைப் போலவே இருந்தது, ஒரே ஆள் தான் கட்டியிருப்பாரோ? ரொம்ப யோசிக்கவெல்லாம் நேரம் இல்லை, சென்னைக்கு விமானம் புறப்படத்தயார இருக்கு உடனே போங்கன்னு விரட்ட, வேகமாக ஓடி துண்டை போட்டாச்சு, பாவம் திருச்சிக்காரங்க, அவங்களுக்கான இணைப்பு விமானம் அடுத்த நாள் தானாம், அதனால் அவ்ங்க மறுபடியும் கொழும்பில் ஹோட்டலில் தங்க வேண்டிய கட்டாயம். எத்தனை உறவினர்கள் அங்கே விமான நிலையத்தில் இவர்களின் வருகைக்காக‌ காத்து கிடக்கிறார்களோ.

விமானம் சென்னை நோக்கி இரவு 8 மணிக்கு புறப்படது, ஃபிலைட் கேப்டன் பெயரு ஷஃபி, ஆகா அப்படி போடு, அவர் அறிவிப்பு செய்த விதம் அருமையா இருந்ததது, அதாவது விமானம் நகர்ந்து 15 நிமிடம் வரைக்கும், அது போல தரையிறங்கும் முன் 15 நிமிடம் வரைக்கும் தங்களது கைப்பேசிகளை அமர்த்தி வைத்துக் கொள்ளுங்கள் என்றார், இது விளக்கமான அறிவிப்பு, முன்னர் குவைத் - கொழும்பு பயணத்தில் நடந்த விவாதம் தேவையில்லாதது எனப் புரிந்தது. ஆமா நம்மளோட பேரைல வச்சுருக்காங்க, விவரமாத்தானே இருப்பாரு.

ஒரு வழியாக அப்படி இப்படியென்று இரவு 10:30 மணிக்கு சென்னை வந்து சேர்ந்தாச்சு. நமது விமான நிலையத்தில் இருக்கும் ஏர்போர்ட் டேக்ஸி வசதி பாராட்ட்க்கூடியதே, வீட்டிலிருக்கும் யாருக்கும் தொந்தரவு தராமல், அங்கிருந்து மந்தைவெளிக்கு ரூ.450 கொடுத்தால், நல்ல தரமான குவாலிஸ் அல்லது சவேரா ஏ.ஸி. வண்டியில், அழகான முறையில் வீட்டுல கொண்டு வந்து விட்டுவிடுகிறார்கள். அப்பாடா வந்து சேர்ந்தாச்சுப்பா!!

எவ்வளவுதான் வசதியான் நாட்டில் வாழ்ந்தாலும் நம்மளோட சென்னை, சென்னை தான் Vibrant Colours!! இங்கு கிடைக்கும் வசதிகள் வேறெங்கும் ஒருங்கே கிடைப்பது அரிதே!! அது மருத்துவ வசதியாக இருக்கட்டும், குழந்தைகளின் படிப்பாகட்டும், அவர்களுக்குத் தேவையான பயனுள்ள புத்தகங்களாகட்டும், இந்த துறைகளில் நமது நாட்டின் வளர்ச்சி பிரமிக்க வைக்கிறது. மைலாப்பூர் குளத்தை சுற்றி இருக்கும் கடைகளை ஒரு வலம் வந்தால் போதும் சவூதியில் கிடைக்காத அனைத்து பொருளும் விலை மலிவாகவும், தரமானதாகவும் வாங்கி விடலாம். (கோணார் நோட்ஸோ, பட்டுப்புடவையோ, கெட்டி உருண்டையோ - everything available).

அதிர்ஷ்டவசமாக சென்னையிலிருந்து திரும்பிய பயணம் எந்தவித அசம்பாவிதமும் இல்லாமல் நன்றாகவே இருந்ததது, ஒன்றை குறிப்பிட்டே ஆகவேண்டும், சிரிலங்க்கா விமானத்தில் கொடுக்கும் சாப்பாடு நமதூர் சாப்பாட்டைப்போல காரசாரமாக சுவையாகவே இருந்ததது, அதுக்காக எக்ஸ்டரா மீல்ஸா கேட்க முடியும்!!

வானத்தில் ஒரு விடுதி ‍ (Space Hotel)

2009-11-09T09:30:00.007+03:00

வாங்க வாங்க வரிசையில ஒழுங்கா நின்னு உங்களோட அனுமதிச் சீட்டை வாங்கிக்கோங்க, 2012ல் முதல் முறையா வானவெளியில் வர்த்தகரீதியான புதுசா ஒரு விடுதியை தொடங்கப் போறாங்க. Galactic Suite அப்படிங்கிற ஒரு நிறுவனம் நம்மள மாதிரி ஆர்வம் உள்ளவங்க எல்லோரையும் ரசிய ராக்கெட் மூலம் மேல அனுப்ப போறாங்களாம். இங்கேயிருந்து மேல போக இரண்டு நாட்களாகுமாம், அதுக்கு முன்னாடி உங்களையெல்லாம் 8 வாரத்துக்கு உண்டு இல்லைன்னு பண்றமாதிரி பயிற்சி கொடுக்கிறதுக்காக கரீபியன் தீவுக்கு கூட்டிட்டு போவாங்களாம்.

இந்த விடுதியில இருந்துக்கிட்டே 80 நிமிடத்திற்கு ஒரு முறை உலகத்தை சுத்தி சுத்தி வந்துக்கிட்டே இருக்கலாம். இது வரை 43 பேர் இதுல பயணிக்க தங்களோட் பெயரை பதிவு செஞ்சு இருக்காங்க. சரி எவ்ளோப்பா செலவு ஆகும்? மூன்று நாளைக்கு 4.5 மில்லியன் அமேரிக்க டாலர்கள் செலவாகும், மூனு நாள் வேணாம், ஒரு நாளைக்கு மாத்திரம் என்னைய கூட்டிட்டு போய் வந்துடுங்களேன்னு சொன்னா அது நடக்காது, இது என்ன தஞ்சாவூர் பஸ் ஸ்டான்டு பக்கத்திலேயா இருக்கு உங்க இஷடத்துக்கு போய் வர? ஆனாலும் பாருங்க மூனு நாளைக்கு சிறைல அடச்சு வச்ச மாதிரி எப்படித்தான் இருக்கப் போறாங்களோ, அதுனால இதெல்லாம் நமக்கு சரி பட்டு வராது, நீங்க போய்ட்டு வந்து உங்க பதிவுல ஒரு இடுகை போடுங்க, நாங்க வந்து கும்மி அடிப்போம்.

பூமியை நீங்க இப்படி படுத்துக்கிட்டே ரசிப்பீர்கள்!!

பிடித்ததும் பிடிக்காததும்

2009-11-07T21:23:00.000+03:00

பதிவுலக நண்பர் மாதவராஜ் துவக்கி வைத்து, உலகமெங்கும் சுற்றும் இந்த தொடர் பதிவில் என்னையும் மாட்டி விட்ட நவாஸ் அவர்களுக்கு நன்றி, இதோட விதிமுறைகள் இப்போ எல்லோருக்கும் மனப்பாடம் ஆகியிருக்கும்.

இதோ எனது பத்துக்கு பத்து:

1. அரசிய‌ல்

பிடித்த‌வ‌ர்க‌ள் : ஜெயலலிதா (டைனமிக் பெர்ஸனாலிட்டி), ஸ்டாலின் (சுறுசுறுப்பாக ஏதாச்சும் செய்கிறார்)

பிடிக்காதவர்கள் : பெரிய லிஸ்ட்டே இருக்கு

2. எழுத்து :

பிடித்தவர்கள்: சுஜாதா, பாலகுமாரன் (கல்லூரி நாட்களில் நிறைய படித்ததுண்டு)

பிடிக்காதவர்: அப்படின்னு சொல்கிற அளவுக்கு விவரம் இல்லைங்க

3.திரைப்பட பாடலாசிரியர்கள்:

பிடித்தவர்கள் : வைரமுத்து (எப்போதும்), டி. ராஜேந்தர் (அப்போது)பிடிக்காதவர் : குத்துப்பாடல்கள் எழுதும் யாவரும்

4.நகைச்சுவை நடிகர்

பிடித்தவர் : வடிவேலு
பிடிக்காதவர் : கவுண்டமணி

5. நடிகர்

பிடித்தவர்: கமல்
பிடிக்காதவர்: சிம்பு

6. நடிகை

பிடித்தவர் : நதியா (அப்போது)
பிடிக்காதவர் : பாவம் அவங்களெல்லாம் கோவிச்சுக்குவாகளே

7.தொழில் அதிபர்க‌ள்
பிடித்தவர்கள்: இரா. க. சந்திரமோகன் (அருன் ஐஸ் கிரீம்ஸ்), முகமது மீரான் (ரேனால்ட்ஸ் பேணா) உழைப்பாலும், தன்னம்பிக்கையினாலும் உயர்ந்தவர்கள்

பிடிக்காதவர்கள்: மக்களின் உழைப்பை சுர‌ண்டுப‌வ‌ர்க‌ள்

8. குடும்பத் தலைவர்
பிடித்தவர்: நான் தான்
பிடிக்காதவர்: அதுவும் நாந்தானுங்க‌

9. பதிவுலகம்
பிடித்தது: புதிய‌வ‌ர்க‌ள், புதுமைக‌ள், ஆரோக்கியமான கருத்துப் பரிமாற்றங்கள்.
பிடிக்காதது: அவசியமில்லாத தனிமனித‌ தாக்குதல்கள், தேவையில்லாத‌ விவாதங்கள்

10. உணர்வு
பிடித்தது: சுயமுயற்சியால் அடையும் மகிழ்ச்சி
பிடிக்காதது: அம்மகிழ்ச்சியால் எல்லை மீறல்

ஊர் வழக்கப்படி இதை விட கலக்கலா பதிவினை தொடரும்படி நல்ல நண்பர்கள் சிலரை அழைக்கணுமாம்.

நான் அழைக்கப்போவது:

அன்பின் அண்ணன் இராகவன் நைஜீரியா

சமையலை பிடிபிடின்னு பிடிக்கும் ஜலீலா அக்கா
கோவச்சுக்காம பதிலளியுங்க ப்ளீஸ்.........

ஜித்தா நீருற்று (Jeddah Fountain)

2009-10-25T20:47:00.008+03:00

ஜித்தா ஃபவுன்ட்டெயின் (ஜித்தா - ‍சவூதி அரேபியாவின் வர்த்தக நகரம்), வெள்ளொளியாய் விண்ணை நோக்கி பாய்ச்சிடும் அழகை வீட்டிலிருந்தே ரசிக்க முடியும், இருந்தாலும் சிறிய மகன் ஒரு நாளைக்கு அது அருகில் போய் பார்க்க வேண்டுமென ஒரே பிடிவாதம், சென்ற வாரம் அருகில் சென்று பார்த்தோம் (பாதுகாப்பு காரணமாக மிகவும் அருகில் செல்ல முடியாது). இது பற்றிய சில தகவல்கள்:

உலகிலேயே மிக உயரமானதும் கடல் நீரை பயன்படுத்தும் ஒரே நீரூற்றாகும், கடல் மட்டத்திலிருந்து 312 மீட்டர் உயரத்திற்க்கு நீரை பாய்ச்சி அடிக்கிறது (ஈஃபில் டவரை விட உயரம்). இவ்வளவு உந்துதலுடன் செயல்படுவதற்க்கு இதன் பின்னனியில் இருக்கும் பொறியியல் துறையின் பங்கினை நாம் நினைவு கூர்ந்தே ஆக வேண்டும்.

சக்தி வாய்ந்த பம்புகள், மற்றும் பைப்புகளை கடலுக்கு அடியிலேயே ஐந்து மாடி உயரத்திற்க்கு ஒரு கட்டிடம் போல் அமைத்து அதற்க்கு மேல் இவை யாவும் பொருத்தி இருக்கின்றார்களாம். இந்த ப்ம்ப் ஹவுஸ் கட்ட 7,000 டன் கான்க்ரீட் பயன்படுத்தியுள்ளார்கள்.

மணிக்கு 375 கிலோமீட்டர் வேகத்தில், வினாடிக்கு 1,250 லிட்டர் நீர் வெளியேறுகிறதாம். தரையிலிருந்து புறப்பட்டு நீர் அதிகபட்ச உயரம் வரை செல்லும் நீரின் எடை 18 டன்கள். இரவு நேரங்களில் ஒளியூட்ட 500 சக்தி வாய்ந்த மிண் விளக்குகள் சுற்றிலும் பொருத்தப்பட்டுள்ளது.

இந்த நீரூற்று, 1985ம் வருடம் கட்டி முடிக்கப்பட்டு,இது வரை எந்த ஒரு பிரச்ணைகளும் இல்லையாம், வருடா வருடம் ஒரு முறை Planned Shutdownக்காக நிறுத்தி வைக்கபடுமாம்.

இந்த நீரூற்று கின்னஸ் ரிக்கார்டில் இடம் பெற்று இருக்காம்.

அப்புறம் என்ன ஜித்தாவுக்கு வந்தா உங்க கண்ணுல படாம இருக்காது இந்த ஃபவுன்ட்டெயின், அப்போ நான் சொன்னதெல்லாம் நினைவுக்கு வந்தால் சரி!!

எறும்பெ பார்த்தாவது எழும்புங்க!!

2009-10-20T12:28:00.014+03:00

ஆமா, நாம எல்லோரும் எறும்பு மாதிரி இருக்கணுமாம், குறுகுறு..துறுதுறுன்னு, இதை நான் சொல்லலை, பிரபல எறும்பியல் வல்லுணர் சொன்னதை கொஞ்ச நாளைக்கு முன்னாடி படிச்சேன். பாருங்க ஒருத்தர் எறும்பு பின்னாடியே போய் அதுக என்ன செய்யுதுன்னு பார்த்து, அதை எல்லாம் நமக்கு விளக்கமா சொல்லி இருக்கிறார். எறும்புங்களுக்கு நான்கு வகையான அபார குணம் இருக்காம். முதலாவது, அதுங்க எல்லாம் மேல ஏறும், கீழ இறங்கும், அப்படி போவும், இப்படி போவும், ஆமா, அது எங்க போகனும்னு நினைச்சுதோ அங்கே போயே தீரும், வச்ச குறி தப்பாது.

இரண்டாவது அதுங்க என்ன செய்யும்னா, கோடை காலத்தில குளிர் காலத்த்ற்க்கான‌ தயாரிப்புகள செய்யும், ஆமா எப்படியோ கோடை முடிஞ்சுறும், அப்புறம் குளிர் காலத்தில அவ்ளோ சுலபமா வெளிய போய் சுற்றித் திரிந்து சாப்பிட முடியாது, அதனால அதுங்க முன் கூட்டியே ரொம்ப சமத்தா யோசிச்சு குளிர் காலத்துக்காக தயார் ஆயிடுமாம்.

மூன்றாவது குளிர் காலத்தில் கோடை காலத்தைப் பற்றி யோசிக்குமாம், அட எங்கே தான் இருக்கோ மூளை இதுங்களுக்கு, இப்படி யோசிச்சுக்கிட்டே இருக்குதய்யா!! இம்பூட்டு பெரிய மூளைய வச்சு நீங்க எப்பவாவது இப்படி யோசிச்சு இருக்கிங்க‌ளா? சரி, விஷயத்துக்கு வருவோம், ஆமாங்க, இந்த குளிர் காலம் சீக்கிரம் முடிஞ்சிடும்,அதனால் உள்ளேயே முடங்கி கிடக்காம, அப்ப்போ வெளிய வந்து எட்டி எட்டி பார்த்துட்டு போவுமாம், வெயில் அடிக்க ஆரம்பிச்சுடுச்சா, குளிர் குறஞ்சி இருக்கான்னு ஆய்வு செஞ்சுக்கிட்டே இருக்குமாம், வெயில் அடிக்க ஆரம்பிச்சது நம்மளுக்கு தெரியுதோ இல்லையோ, நம்ம எறும்புக்கு தெரிஞ்சு, தூங்க்கிட்டு இருக்கிற நம்ம பயபுல்லைங்க காலர்ல இழைஞ்சு வந்து எழுப்பிடும். அவ்ளோ உஷார்!!

நாலாவதும், முக்கியமானதும், இதையாவது கவனமா படிங்க, கோடை காலத்தில் எவ்ளோதான் அதுங்க சேர்த்து வைக்கும்? "எவ்ளோ கூடுதுலா முடியுமோ அவ்ளோ" ஆமா "All that possible they can".

பாருங்க ஒரு சின்ன எறும்பு சின்ன மூளைய வச்சு என்னனென்ன டகாலகடி வேலையெல்லாம் செய்யுது. நீங்க என்ன செய்யப் போறீங்க, ஒன்னும் இல்லாட்டி ரெண்டு, மூனு பின்னூட்டங்களையாவது போடுங்கப்பு!!

டிஸ்கி : NEVER GIVE UP, LOOK AHEAD, STAY POSITIVE AND DO ALL YOU CAN!!

அப் 'பூ'

2009-10-14T10:36:00.001+03:00

தென்றலாய் வீசி
சில‌ க‌ணம்
வில‌கியும் விடாமல்
படரும்
விய‌ப்பு!!

க‌ண்க‌ளில் ப‌ட்ட‌
க‌ண‌ப் பொழுதினில்
மின்னி ம‌றைந்த‌தில்
ஏதோ
த‌விப்பு!!

சில்ல‌ரையாய்
வ‌ந்த செவ்வொலி
கேட்டு ச‌ட்டென‌
எங்கும்
சிலிர்ப்பு!!

க‌ண்டும் காணாம‌லும்
க‌ன‌வில‌ற‌ங்கி
குளிர்ச்சியாய்
பல‌
க‌ணிப்பு!!

தித்திக்கும் நினைவு
திக‌ட்டாத‌
இன்பத்தேண்
அதன்
இனிப்பு!!

ம‌ன‌த்தோப்பில் மணங்கமழ்ந்து
ஊஞ்சலாடி
தினமும்
களிப்பு!!

உவகையில் உண்டு
உயிரினில் கவிதையாய்
என்றும்
பிறப்பு!!

அப்பூ, எப்பூ
ஆனந்தம்
எந்தன்
ஆவாரம் 'பூ'!!

நீங்களும் உங்க பாஸும்!!

2009-09-28T10:24:00.001+03:00

இந்த படத்தில உள்ள மாதிரி நீங்க உங்க பாஸ்ஸ தூக்கி பிடித்து கொண்டாடுபவரா? அப்படின்னா இத படிக்காதீங்க!!

--------------------------------------------------

நீங்க வேலைய‌ ரொம்ப மெதுவா செஞ்சா, சரியான நோஞ்சான், அதுவே அவரு செஞ்சா ரொம்ப நுணுக்கமா வேலை செய்றாராம்!!

ஏதாச்சும் அசைன்மென்ட் கொடுத்து தாமதமா ஆனா, நீங்க சோம்பேறி, அவரு செய்யலைன்னா அவரு ரொம்ப பிசியாம்!!

நீங்க எப்பவாவது ஒரு நாள் லீவு எடுத்தால் என்னப்பா வேற எங்கேயாவது அப்ளிகேஷன் போட்டுட்டு, இன்டெர்வியூக்கு போறியான்னு சந்தேகம், அவரு லீவு எடுத்தால், ஒரே டென்ஷ்னாம் அதனால ஒரு நாளைக்கு நல்லா ரெஸ்ட் எடுக்கப்போறாராம்.

நீங்க தப்பு பண்ணினா, முட்டாள்னு அவப்பெயர், ஆனா அவரு தப்பு பண்ணினா மனுஷன் தப்பு பண்றது சகஜம்ப்பான்னு சமாளிப்பு!!

நீங்க லிவு எடுத்தால் என்ன சிக் லீவா? ஏலனமா ஒரு கேள்வி, அவரு சிக் லீவு எடுத்தா பாவம் பாஸ் சிக் லீவுப்பான்னு இரக்கப்படுனுமாம்.

பாஸுக்கு நாம ஏதாவது நல்லது செஞ்சா அது ஜால்ராவாம், அதுவே அவரு அவரோட பாஸுக்கு ஜால்ரா அடிச்சா அது ஒத்துழைக்கிறாராம்.

நீங்க சீட்ல இருந்து எங்காவது வெளியயோ, அடுத்த சீட்டுக்கோ போனா என்னடா சுத்திக்கிட்டு இருக்கேன்னு கேள்வி, அவரு போனா முக்கியமான வேலையா போனாராம்.
நாம ஏதாவது புதுசா, நல்லதுன்னு நினைச்சு செஞ்சா என்னடா முந்திரிக் கொட்டை மாதிரி, ரூல்ஸ் எல்லாம் ஃபால்லோ பண்ணமாட்டியான்னு மிரட்டல், அதுவே அவரு செஞ்சா இனிஷியேட்டிவ்!!
நீங்க கண்ணை மூடிக்கிட்டு சீடல இருந்தா, என்னடா ஒரே தூக்கமான்னு கிண்டல், அதுவே அவரு செஞ்சா ஆழமா சிந்திக்கிறாராம்.
நீங்க எத்தனையோ நல்லது செஞ்சு இருப்பீங்க அது எல்லாமே அடுத்த நாளே மறந்துடும், ஆனா ஒரு தப்பு செஞ்சா வருசம் முழுசும் அத சொல்லி சொல்லியே வெறுப்பேத்தும்.

சரி இதெல்லாம் இருக்கட்டும், ஒரு சிறந்த மேலாளர் எப்படி இருக்க வேண்டும்?, வலையில் மேய்ந்து திரட்டிய சில தகவல்கள்:

வெற்றிக்கு தான் மட்டுமே காரணம் என்று நினைக்கக் கூடாது, தன்னுடன் பணி புரியும் அனைவரின் பங்களிப்பும் இருக்கிறது என உணர வேண்டும் (Share the credit).

எதைச் சொல்கிறோமோ அதனை தெளிவாகச் சொல்லும் திறமையும், மற்றவர்கள் கூறும் கருத்துக்களை கூர்ந்து கவனித்துக் கேட்க்கும் ஆற்றலும் இருக்க வேண்டும் (Presentation and Listening Skills).

தலைமைப் பதவிக்கான ஆளுமை இருக்க வேண்டும், அதிகாரம் செலுத்தவதில் மட்டுமல்ல அனுசரணையிலும் அவை வெளிப்பட வேண்டும் (Leadership).

தனது சக பணியாளர்களை நம்ப வேண்டும், தானே எல்லாப் பணிகளையும் தலையில் போட்டுக் கொண்டு தேவையில்லாமல் மன உளைச்சலுக்கு ஆளாகவேண்டிய அவசியமில்லை (Delegation).

நான் தான் பாஸ்ஸுங்கிற தோரனையில் எப்போதும் உர்ர்ர்ர்ன்னு இருக்கத்தேவையில்லை, சில சமயம் வலைந்து கொடுத்து காரியங்களை சாதிக்கத் தெரிந்திருக்க வேண்டும் (Be flexible).

தனது ஊழியர்கள் முன்னேறுவதை ஊக்கப்படுத்த வேண்டும், தன்னோட நலனை மட்டும் பார்க்காமல், பதவி மற்றும் சம்பள‌ உயர்வுகளில் தன்னால் முடிந்த அளவு உயர் அதிகாரிகளுக்கு பரிந்துரை செய்ய வேண்டும் (Career Development).

ஊழியர்களை புகழ்வதற்க்கு சிறிதும் தயங்கக்கூடாது, அனைவர் முன்னிலையிலும் புகழ்வது தனக்கும், புகழப்பட்ட ஊழியருக்கும் நல்ல மதிப்பை ஏற்ப்படுத்தும், இன்னும் சிறப்பாக அவர் தனது பணியினைச் செய்வார் (Appreciation).

திறமையானவர்களை கண்டு பிடித்து பணியில் அமர்த்தும் திறமையும், ஏற்கனவே சிறந்து விளங்குவோர்களை தன்னுடன் நிலை நிலை நிறுத்தி தொடர்பவராகவும் இருத்தல் வேண்டும் (Finding and Retaining).

த‌ன‌க்கு கொடுக்க‌ப்ப‌ட்ட‌ பொறுப்புக்க‌ளை ம‌ற்ற‌வ‌ர்க‌ளுட‌ன் ப‌கிர்ந்து, அவ‌ர்க‌ளின் ஒத்துழைப்பின் அவ‌சிய‌த்தை உண‌ர்த்த‌ வேண்டும் (Share the goals).

சலுகைகள் வழங்கியும், சிலர் வழிக்கு வராமல் இருந்தால் அவர்களை பவ்யமாகவோ, அதிகாரமாகவோ தட்டி வழிக்கு கொண்டு வரும் திறமையும் வேண்டும் (Be a Boss).

ஏதோ சொல்றத சொல்லிப்புட்டேன், நீங்களாச்சு உங்க பாஸு ஆச்சு‌. GOOD LUCK!!

ஸ்டான்டிங் ட்ரபுள்

2009-09-15T21:10:00.000+03:00

மூன்று நாளைக்கு முன்னாடி, கேஸ் சிலின்டருக்கு வீல் உள்ள ஸ்டான்டு வாஙகனும்னு என் மேல இறக்கப்பட்டு தங்கமணி சொல்ல, (ஆமாங்க இல்லாட்டி ஹாலில் இருந்து, கிச்சன் வரை உருட்டியோ, தள்ளியோ கொண்டு போய் வைக்கனும், குடும்பத்தலைவன்னா சும்மாவா), ஒரு கடைக்கு போய் அவங்களே வாங்கி வந்துட்டாங்க, கடைல இரண்டு விதமான‌ ஸ்டான்ட் வச்சு இருந்தாங்களாம், வழக்கம்போல எது விலை கூடுதலோ அதையே வாங்கியாச்சு, விலை கூடுதலா இருந்தா தரமும் கூடுதலா இருக்குமாமே? ஸ்டான்டுல வீல் இருக்குன்னு சொன்னவுடன், அதுக்கு கியர் இருக்கா, பிரேக் இருக்கா, மைலேஜ் எவ்வளவு, இது மாதிரி குசும்புத்தனமாவெல்லாம் கேட்கக்கூடாது.

வீட்டிற்க்கு வ‌ந்து ச‌ந்தோஷ‌த்தில் சிலின்ட‌ர‌ தூக்கி ஸ்டான்டு மேல‌ வ‌ச்ச‌துதான் தாம‌த‌ம், "கிளிக்கு" "க‌ட‌க்" ச‌த்த‌ம், ஒரு ப‌க்க‌ம் வெல்டிங் உடைஞ்சிடுச்சு, அட‌க் கொடுமையே!!

உடனே நம்மளோட அலப்பரைய தொடங்கியாச்சு, வாய்ப்ப விடுவோமா, இது மாதிரி கூடுதல் டெக்னிக்கான மேட்டருக்கு என்னோட டிஸ்கஸ் பண்ணாம ஏன் செலக்ட செஞ்சே, உலோகத்தில‌ எத்தனை குவாலிட்டி இருக்கு, அவங்க என்ன உலோகத்தில‌ இத செஞ்சாங்களோ, என்ன முறையில வெல்டிங் வச்சாங்களோ, ஒரு வழியா ஓவரா பில்டப் கொடுத்து, ஒரு ஸீன் போட்டாச்சுல்ல.

சரி இப்போ என்ன செய்வது, கடையில திருப்பி கொடுத்திட வேண்டியதுதான். அடுத்த நாள் அவங்க கொடுத்த அதே பையில் போட்டு, கொண்டு போய் கொடுத்து, நடந்ததை விபரமாக எடுத்துச் சொல்லியாச்சு, கடைக்காரரோ அதல்லாம் முடியாது, நீங்க கண்டபடி இழுத்துருப்பிங்க அதனால தான் உடஞ்சிடுச்சு, விடுவோமா ஸ்டாண்டோட வீல பாருங்க, அதுல ஏதாச்சும் அழுக்கு இருக்கா, நாங்க இழுத்து இருந்தா அது அழுக்கா இருக்கும்ல (அடடா என்ன ஒரு வேலிட் பாயின்ட்!!). கடைசியா, வழிக்கு வந்து, நான் இங்கே வேலை செய்கிறவன் தான், முதலாளி ஒரு மணி நேரம் கழிச்சு வருவார், அப்பொ வந்து பேசுங்கன்னார், இதுக்காக வந்து அலைஞ்சுக்கிட்டெல்லாம் இருக்க முடியாதுங்க‌, நீங்களே அவரிடம் எடுத்து சொல்லுங்க, நான் நாளைக்கு வருகிறேன், அப்படியும் அவர் மாற்றித் தர மறுத்தால், அவருக்கு கஸ்டமர் பற்றி அக்கறையில்லை, என்னை மாதிரி நல்ல கஸ்டமர இழக்க நேரிடும்னு சொல்லுங்க!!

அடுத்த நாள் வீட்டிலிருந்து போகும்போதே, என்ன வசனம் பேசுவது, பிரபல பதிவரா வேறு இருக்கோம், மரியாதைய காப்பாத்திக்கணும், இப்படி பல‌ எண்ண் ஓட்டங்கள், ஒரு வழியா கடைக்கு வந்து, "சிலின்டர் வீலு எந்த ஆயி?" ஆங்..சாரே, புதிய ஸ்டான்டு, அந்த வெல்டிங் சரியில்லை, முதலாளி புதியதாயிட்டு கொடுக்கா வேண்டி பரஞ்சு",!!

அடடா மேட்டர் இப்படி பொசுக்குன்னு முடிஞ்சுருச்சே!!

டிஸ்கி : கடையோ, நிறுவனமோ, நுழையும் ஒவ்வொருவரும் வாடிக்கையாளரே, இன்று வாங்காவிட்டாலும், நாளை வந்து வாங்குவதற்க்கு வாய்ப்புக்கள் இருக்கு. உரிமையாளர்களே, பார்த்து நடத்துக்குங்க. வின்டோ ஷாப்பிங் வல்லுனர்களே, நீங்க நடத்துங்க!!

தேவதையின் வரங்கள்..

2009-09-13T13:24:00.000+03:00

அப்பப்பா நட்புக்களின் தொடர் இடுகைக்கான அழைப்புகள் எங்கு பார்த்தாலும், புதிது புதிதாக, மகிழ்ச்சியாக இருக்கிறது, எல்லோருடைய நல்ல மனங்களையும் அறியமுடிகிறது, திருமதி. மேனகா சதியா இந்த தேவதையை எனக்கு அனுப்பி இருக்கிறார்கள். இதோ எனது பத்து ஆசைகளை பகிர்ந்து கொள்கிறேன், இவை யாவுமே நம்மால் முயற்சி செய்து நிறைவேற்றக்கூடியவைகளே, ஆகவே தேவதைக்கு சிறிது ஓய்வு கொடுத்து, நாம் சற்று சிந்திப்போமே!!

வேற்றுமையில் ஒற்றுமை காணும் மனப்பக்குவம், நமது நட்புக்களிடம் நான் கண்டு மகிழும் அழகிய குணம், அது அனைவரிடத்திலும் இருந்தால் உலகம் அமைதி பூங்கா தான்.

எனது பள்ளிப்பருவம் திரும்ப கிடைத்தால் மகிழ்ச்சி!! கிடைக்காது, ஆனால் இன்றைய பள்ளிப்பருவத்தில் இருக்கும் சிறார்கள் இந்த வாய்ப்பு கிடைக்காததற்க்கு வறுமை தான் பெரும்பாலும் காரணம், அந்த வறுமை ஒழிய வேண்டும்.

மழை வந்தால், புயல், வெள்ளம் என திண்டாட்டம், இல்லையெனில் வறட்சி, பஞ்சம், இவற்றை உண்மையிலேயே புரிந்து கொண்ட அரசாங்கமும், இவற்றை சமாளிக்கக் கூடிய எதிர் நோக்கத்திட்டங்கள் கொண்ட மனிதர்களும்.

புகை, மது, போதை இவை கேடு எனத் தெரிந்தும் உபயோகிப்பவர்கள், இந்த இடுகையை படித்ததும் கொடிய இந்த பழக்கங்களை விட்டு விட வேண்டும்.

தற்பெருமை கொள்ளும் அளவுக்கு வசதி வாய்ப்புகள் வரவில்லை, நாளைக்கு பெரிய ஆளாகி விட்டால், அப்படி ஒன்று வேண்டாம் ஒரு பொழுதும்.

கண்ட இடத்தில் குப்பை கொட்டுவது, எச்சில் துப்புவது, இது போன்ற பொது இடங்களை நாசமாக்குவோர் இப்பொழுதே திருந்த வேண்டும்.

வேலை வாய்ப்பு பெருக வேண்டும், கிடைத்த வாய்ப்பை நழுவ விடாதவர்களும், வாய்ப்பிற்க்காக காத்திராது, வாய்ப்பை உருவாக்கி உழைப்பவர்கள் நிறைந்த சமுதாயம் வேண்டும்.

காசுக்காக மட்டும் என்று ஆகிப்போன கல்வி, அதனை முன்னிறுத்தி பட்டாளமாய் மாணவர்கள், ஆசிரியர்கள், கல்வி நிறுவனங்கள், சிறிது சிந்திக்க வேண்டும்.

நேற்று வரை சாதாரண மனிதர்கள், அது ஏனோ அரசியல் அரியனை ஏறியவுடன் மனமாற்றம்!! பணப்புழக்கம் காரணமோ? அவர்கள் சிறிது மாறி நம்மையும் சிந்திக்க வேண்டும்.

பிரச்னைகள் எதுவானாலும் நமக்குள் பேசியே தீர்போமே, எதற்க்கு மன உளைச்சல்? நல்ல நட்புக்கள்/உறவுகள் என்றும் தொடர வேண்டும்.

என்னுடைய பார்வையில் அ முதல் ஃ

2009-09-07T12:45:00.000+03:00

என்னை இந்த தொடர்பதிவுக்கு அழைத்த சகோதரிகள் திருமதி. பாய்ஜா அவர்களுக்கும், ஜலீலா அவர்களுக்கும் நன்றி, இதோ தங்களுடன் பகிர்ந்து கொள்ள அ முதல் ஃ!!

அன்பு - ஆக்சிஜன்

ஆரோக்கியம் - மன ஆரோக்கியம், உடல் ஆரோக்கியம் என்றும் முழுமையாக நிலைத்திட ஆவல், பிராத்தணைகள்.

இன்றியமையாதது ‍- படைத்த இறைவன் மேல் நம்பிக்கையும், தன்னம்பிக்கையும்.

ஈகை - இயன்றால் பொருள், இல்லையேல் வேறு ஏதாவது விதத்தில், அதுவும் இயலாவிட்டால் இனிய சொற்கள்.

உழைத்து வாழ்வதே உன்னத வாழ்க்கை

ஊர்வம்பு - கால விரயம்

எதிர்பார்ப்பினை குறைத்து ஏமாற்றத்தினை தவிர்க்கலாம்.

ஐங்கால இறை தொழுகை மன அமைதிக்கு மாமருந்து

ஒற்றுமை எப்பொழுதும் எவருடனும்.

ஓய்வு -‍ உடல் ஓய்ந்து போகலாம், மனம் ஓயக்கூடாது.

ஒளடதம் : அழகிய‌ புன்னகை

ஷ‌ஃபி - எனக்கு மிகவும் பிடித்தவன், இவன் உங்களில் ஒருவனும் கூட!!

இந்தப் பதிவினை தொடர, நான் அன்போடு அழைப்பது நமது நட்புக்கள் தமிழரசி, அபூஅஃப்சர், நவாஸ் மற்றும் பா.ராஜாராம்.

எனது அய‌ல் நாட்டு வாழ்க்கை

2009-09-05T13:44:00.000+03:00

அயல் நாடு சென்று, இந்தியா நாட்டில் நீங்கள் இழந்தது என்ன? அங்கு அடைந்தது என்ன?

அடிக்கடி எனக்குள் கேட்டு விடை தெரிந்தும் தெரியாதது போல் பதினான்கு வருடங்கள் உருண்டோடி விட்டது.

இந்தக் கேள்விக்கான‌ விடையை நமது நண்பர்களுடன் பகிர்ந்து கொள்ள வேண்டுமென‌ தோழி தமிழ் அரசியின் விண்ணப்பம். தமிழரசி, தீக்குள் விரல் வைத்து, மகா கவி பாரதியுடன் விவாதித்து நம்மை வியப்பில் ஆழ்த்தியதை போல என்னால் முடியாவிட்டாலும், முயற்சி செய்து இருக்கின்றேன், படித்து பாருங்களேன்.

பெற்றதையும், பெறாததையும் ஆராய்வதற்க்கு முன், நான் ஏன் அயல் நாடு வந்தேன் என சிறிது எண்ணிப்பார்க்கின்றேன், கல்லூரியில் பட்டப்படிப்பு, அதனிடையே ஒரு பட்டயப்படிப்பு, பட்டம் பெற்றவுடன், மேலும் படிப்பைத் தொடர்வதா, அல்லது வாழ்க்கையின் அடுத்தக் கட்டத்திற்க்குள் நுழைந்து விடுவோமா என ஒரு சிறிய மன‌ப் போராட்டம்.

இதற்க்கிடையே அவன் என்ன படித்தான், இவன் என்ன செஞ்சான், அதோ அந்த ரெண்டு மாடி கட்டி, காரெல்லாம் வச்சிருக்காருள்ள அவரு படிச்சது வெரும் அஞ்சாங்கிளாஸ் தானாம், இப்படி எண்ண ஓட்டங்கள்.

சரி வேலைக்கு போக வேண்டியது தான், அப்ப்டியே மேற்க்கொண்டு படிப்பதானால் பிறகு படித்துக் கொள்வோம் என வேலை தேடும் படலம் தொடங்கியது.

அங்கும் இங்குமாய் சில மாதங்கள் ஓடியது, அடப்போப்பா, நீ எப்போ உள்ளூரில சம்பாதிச்சு, வாழ்க்கையில செட்டில் ஆகப்போறே, பேசாம வெளி நாட்டிற்க்கு முயற்சி பண்ணுப்பா அதான் உன்னோட எல்லா சொந்தங்களும் இருக்காங்கள்ள, இதுவே பெரும்பான்மையானவர்களின் அறிவுரை, ஆவல், வேண்டுகோள்.

சரி ஏற்பாடும் செய்தாகிவிட்டது, வெளி நாடு போவோம், சில வருடங்கள் சம்பாதிப்போம், அப்புறம் ஊருக்கு வந்து செட்டிலாகி விட வேண்டியது தான், எல்லோரைப்போல நானும் தீர்மானித்துக் கொன்டேன். நினைக்கும் போது நல்லாத்தான் இருக்கு.

சென்னையிலிருந்து புறப்பட்ட‌ விமானத்தில் உட்கார்ந்து, சொந்தங்களை விட்டு, வீட்டையும் நாட்டையும் பிரிந்து, பல எண்ணங்களை, கணவுகளை சுமந்த என்னை விமானம் தன் கடமைக்காக சுமந்து பறந்தது.

விமானம் தரையிறங்கி முதன்முறையாக ஒரு அயல் நாட்டிற்க்குள் நுழைகிறேன், ஆயிரம் கணவுகளுடன்.

விமான நிலையத்தில் பல முகங்கள், இந்தியா, பாக்கிஸ்த்தான், பங்களாதேஷ் மற்றும் பிலிப்பைன்ஸ் நாட்டினரே அதிகமாக‌ காணப்படனர், அதிலும் என்னைவிட வயதில் பலமடங்கு மூத்தவர்களே அதிகம். வாடிய முகத்துடன் பலர், என்னைப்போன்று எதையோ தேடும் பரபரப்புடன் சில இளைஞர்கள், தங்களது மனைவி, குழந்தைகளுடன் சிறிது மகிழ்ச்சியுடன் சிலர் அங்கும் இங்கும். இதில் நான் யாராக எதிர் காலத்தில் இருக்கப் போகிறேன், என்னுள் பல சிந்தனைகள்.

அங்கிருந்த பெரும்பாலோர்களில் அதிகமானோர் இந்தியர்களாக இருந்தது, சற்று பெருமையாகவும், ஆச்சர்யமாகவும் இருந்தது. ஆனால், இந்தியர்களுக்கு இங்கும் நல்ல பெயர் இருக்கவே செய்கிறது, அதற்க்கு நான் அறிந்த காரணங்கள் சில, திறமையானவர்கள், கடின உழைப்பாளிகள் மற்றும் அதிகமான சிக்கல்களில் மாட்டிக்கொள்ளாதவர்கள், மொத்ததில் நிறுவாகத்தினருக்கு தலைவலி கொடுக்காதவர்கள்!!.

நாட்கள் உருண்டோடியது, ஒரு நாள் என் நெருங்கிய நண்பனிடமிருந்து அழைப்பு, அவனுக்கு திருமணமாம், எப்படியாவது வந்து கலந்துக்கொள் என பிடவாதமான வேண்டுகோள், ஆம், சோழனிலும், பல்லவனிலும் ஒன்றாய் சுற்றித்திரிந்து, வீட்டிலிருக்கும் நேரம் போக இது போன்ற நட்புக்களுடேனேயே கழித்த நாட்கள் மறக்க முடியுமா என்ன? வாழ்வின் முக்கியமான நிகழ்வு, மாப்பிள்ளைத் தோழனாய் நான் இருந்திருக்க வேண்டும், ஆனால் எனை அறியாமல் அவனது திருமணமும் நடந்தது, அவனும் சில மாதங்களில் அமேரிக்கா, ஆஸ்திரேலியா எனப் பயணம், ஆக அவனை கல்லூரி நாட்களில் சந்தித்தது.

அடுத்த‌ சில மாதங்களில் என்னை அருமையோடு, அன்போடும், பாசத்தோடும் போற்றி வளர்த்த தாத்தா, பாட்டி இவ்வுலகத்திலிருந்து பிரிந்தது, அவர்கள் எனக்காக செய்த பிராத்தணைகள், தியாகங்கள் இவையெல்லாம் இனி கிடைக்குமா? பிழைக்க வந்த ஒரே காரணத்திற்க்காக, இது போன்ற உணர்வுகளை அடக்கி, பரிமாற முடியாமல் முடங்கிப் போனதை நினைத்து பல தடவை ஏங்கியதுண்டு.

இதனை அடுத்து பல மகிழ்ச்சியான நிகழ்வுகள், சோகமான சம்பவங்கள், தொலைபேசியிலேயே வாழ்த்துக்களும், ஆறுதல்களும் பரிமாறப்பட்டு நாட்கள் ஓடுகிறது.

தமிழரசி கொடுத்த தலைப்பினை, எனது மனைவியிடத்திலும் காட்டினேன், அவர்களும் தன் பங்குக்கு கூறிய பல விடயங்களில், சில:

குழந்தைகளுக்கு தரமான கல்வி முறை, ஆம் இங்கு நாம் கொடுக்கும் பள்ளிக் கூட கட்டணத்திற்க்கும் தரத்திற்க்கும் மலைக்கும் மடுவுக்கும் உள்ள வித்யாசம்.

மருத்துவ வசதிகள், நாம் நாட்டைப்போல திறமையான மருத்துவ வசதியை வேறு எங்கும் பெற முடியுமா?

ஆக இழந்தது பலவானாலும், ஈடு செய்ய முடியாத இழப்பு, சொந்தங்கள் மற்றும் நட்புக்களின் பாசம், அதனை அருகில் இருந்து அனுபவிக்க முடியாமை. எத்தனை காசு கொடுத்தாலும் திரும்ப பெற முடியாத இழப்பு!!

இந்த இழ‌ப்புக‌ளுக்கிடையேயும், அடைந்தது சில சில்லரைகள், போதும் என்ற மனம் என்று வருமோ என அந்த நாளுக்காக காத்திருக்கின்றேன். ஒன்றைப் பெற‌ வேறொன்றை இழ‌ந்து தானே ஆக‌ வேண்டும்!!‌ இது தாங்க நிஜம்.. Reality!!

இன்னும் வளர்க்க விரும்பவில்லை, ஏற்கனவே தாமதம் என தமிழ் டீச்சர் கோபத்தில் இருக்காங்க, நண்பர்களுடன் பகிர்ந்து கொள்ள இது போதுமென்று நினைக்கின்றேன்.

மிக்க நன்றி அரசி!!

நன்றிகள் நட்புக்களே!!

மற்றுமொரு மாயை

2009-08-25T12:45:00.000+03:00

எண்ணங்களில் க‌ண்டு ம‌கிழ்ந்து
தேன்மொழிக‌ள் உண்டு களித்து
தேடுத‌லில் தீண்டி உணர்ந்து
காடு, க‌ட‌ல், ம‌லை க‌ட‌ந்து
காற்றில் வ‌ரும் அவ‌ள் சுவாச‌ம் நுக‌ர்ந்து
ர‌க‌சியமாய் அக‌ம‌கிழ்ந்து

சுழலும் கிரகம் சுற்றித் திரிந்து
அவளை தேடி, நானும் தொலைந்து
வலுவிழந்து, கண்ணயர்ந்தேன்!!

இதோ,
மதி மயக்கி எனக்குள் புகுந்து
ஆழ்மனதினுள்ளே கசிந்து
ஆளுகையில் எனை கொணர்ந்து
மகுடம் சூடி
'அவள்' செய்த‌‌
‌ம‌ற்றுமொரு மாயையிது!!

Think before Ink - கொஞ்சம் யோசிப்போமே

2009-08-23T00:04:00.000+03:00

சமீபத்தில் என்னுடைய வலைப்பதிவிற்க்கு புதிய வார்ப்புரு (Template) மாற்றலாம் என‌, பச்சை நிறத்திலேயே வேறு ஏதாவது நல்ல வடிவமைப்பு கிடைக்குமா என தேடியபோது, கிடைத்தது தான் தற்போது நீங்கள் காணும் இந்த புதிய தோற்றம்.(பிடிச்சுருக்கா?)

இயற்க்கையென்றாலே பசுமையல்லவா? ஏன் நமது வலைப்பூவே நாம் நினைத்த நல்ல‌ கருத்தை நமது நண்பர்களுக்குச் சொல்லக் கூடாது, என சிந்தித்ததே இந்த பசுமை நிறமும், பக்கத்தில் காணும் சிறு படங்களும், குறுந்தகவல்களும். (ரொம்பவே யோசிக்கிறாங்கய்யா).

நீங்கள் படிக்கப் போகும் இந்த ஆக்கம், எங்களது நிறுவனத்தின் Paperless Office Campaignக்காக சென்ற வருடம் எழுதியது, இயன்ற‌ வரை மொழிபெயர்த்து வழங்குகிறேன்.‍

இது என்ன ஒரு தாள் தானேன்னு நினைத்து நாம இஷ்டத்திற்க்கு அடித்தும், கிழித்தும் தள்ளுகிறோம், ஆனால் இதன் பின்னனியில் நமது நிறுவனத்திற்க்கு விழைவிக்கும் நஷடங்களையோ, நமது சுற்றுப்புறச் சூழலுக்கு நாம் ஏற்படுத்தும் பாதகங்களையோ நாம் சிந்திப்பதேயில்லை.

சிலரை கவனித்தீர்களென்றால் தனக்கு வருகின்ற மின்னஞ்சல் எல்லாவற்றையும் ஒன்று விடாமல் பிரின்ட் எடுத்துக் கொண்டே இருப்பார்கள். அதை சரியாக கூட படித்து இருக்கமாட்டார் கொஞ்சங்கூட யோசிக்காமல் ச‌ர்ர்ரென்று கிழித்து தூக்கி எறிவார்கள். இதனால் எத்தனை நஷ்டம், என்ன நம்ம வீட்டு பணமா போகப்போகிறது என‌ அவர்களுக்கு நினைப்பு!! (இனிமேலாவது திருந்துங்களேன்...)

சமீபத்தில் அமேரிக்காவில் எடுத்த ஆய்வினில் கண்ட சில புள்ளி விவரங்கள்:

ஒரு காகித்தின் விலை ஒரு ரூபாய் என்றால் அதனை அச்சிடுதல், நகல் எடுத்தல், வினியோகித்தல், பத்திரப்படுத்துதல் போன்ற சங்கிலித்தொடர்பான‌ செலவுகளே முப்பது மடங்கு ஆகிறதாம்.

சராசரியாக ஒரு ஊழியர் ஒரு வருடத்திற்க்கு பத்தாயிரம் காகிதங்கள் உபயோக்கின்றாராம்.

அமேரிக்காவில் மட்டும் வருடத்திற்க்கு 3.7 மில்லியன் டன் காகிதங்கள் அலுவலகங்களில் மட்டும் உபயோகிக்கப்படுகிறது.

காகித் தொழிற்ச்சாலைகளுக்கு மட்டும் 12 சதவிகதம் எரிபொருள் செல‌வு செய்யப்படுகிறதாம்.

ஒரு காகிதம் தயாரிக்க ஒரு குவளை தண்ணீர் தேவைப்படுகிறதாம்.

சிட்டி குரூப் நிறுவனம், இனி பிரின்ட் அல்லது நகல் எடுப்பவர்கள், தாளின் இரண்டு பக்கங்களிலுமே அச்சிட வேண்டும் என்று ஒரு சுற்றரிக்கை விட்டதாம், இந்த ஒரு சிறு முயற்சியால் அவர்கள் சேமித்த தொகை ஆண்டிற்க்கு ஏழு லட்சம் டாலர்கள்!!

அலுவலகங்களில் காகிதங்களின் உபயோகத்தை தவிர்க்க முடியாதென்றாலும், இயன்ற வரை குறைவாக பயன்படுத்த முயற்சிப்போமே!!

அனைவருக்கும் தெரிந்தவை தான் இந்த குறிப்புகள், சற்று நினைவூட்டுவதற்க்காக்:

எப்பொழுதும் தாளின் இரண்டு பக்கங்களிலும் (double sided) பிரின்ட் செய்யுங்கள்.
பெரும்பாலும் மின்னஞ்சல்கள் பிரின்ட் எடுக்க வேண்டிய அவசிய்ம் இருக்காது, அப்படியே வேண்டுமென்றால் தேவையான பகுதியை மட்டும் எடுக்கலாம்.
பழைய பிரின்ட் எடுத்து, தேவையில்லாத ஆவனங்களை, வேறு பல உபயோகத்திற்க்காக் பயன்படுத்தலாம் (கிறுக்குவது, நோட்ஸ் எழுதுவது, கவிதை எழுத..?)
பிரின்ட் எடுப்பதற்க்கு முன், மானிட்டேரிலேயே லேஅவுட், மற்றும் ஃபார்மேட்டுகளை (Print preview) சரி பார்த்து பின்னர் பிரின்ட் எடுக்கலாம்.
எழுத்துக்களின் அளவை (Font size) குறைத்து, பக்கங்களின் எண்ணிக்கையை குறைக்கலாம்.
முடிந்தால் ஒவ்வொருவரும் Electronic Filing System வைத்துக் கொளவது நல்லது. ஏதாவது ஆவணம் தேவைப்பட்டால் உடனே தேடி எடுத்து, மின்னஞ்சல் மூலம் அனுப்பவதற்க்கும் இலகுவாக இருக்கும்.

"THINK BEFORE YOU INK"

<>கிரிஸ்ப்பி கிரேக்கர்ஸ்

2009-08-16T10:16:00.000+03:00

இந்த டைட்டுல பார்த்துட்டு இது என்ன‌மோ மென்ஹட்ட்ன் மொக்காசினோ ரெஸ்ட்டாரன்ட்டோ, இல்லாட்டி புர்ஜ் துபாய் முப்பதாவது மாடியில உள்ள ஹோட்டல் மெனுவோன்னு திகச்சு நிக்காதிங்க. இது உங்க வீட்டு அம்மனீஸ அசத்தி நீங்களும் சமையல்ல கில்லி தான்னு சொல்ல வைக்கப் போற "கிரி..கிரி..கிரிஸ்ப்பி உங்கள் சாய்ஸ்" ஸ்டைல்ல ஒரு ஸ்னாக்ஸ்.

யப்பா ஷஃபி இந்த சமாசாரமெல்லாம் நமக்கு தேவையில்லை, எங்க தங்கமணி என்னைய கிச்சன் பக்கமே விடுறது இல்லைன்னு பந்தாவா சில பேர் காலர தூக்கி விடுறது தெரியுது, ஆனா அதுல பாருங்க அவுக அப்படித்தான் சொல்லுவாக, நீங்க கொஞ்சம் தைரியத்தை வரவழைச்சு, அவுக போட்ட கோட்டை தாண்டி, கிச்சனுக்குள்ள குதிச்சு பட்டைய கெளப்புனம், அதுக்கு அப்புறம் அதோட குணம் தெரியும், டீடெய்லா அப்பால பேசிக்கலாம்.

இப்போ நான் சொல்லப்போற இந்த அயிட்டத்திற்க்கு நீங்க வேட்டிய வரிஞ்சு கட்டி, வேர்த்துக் கொட்ட வேண்டிய அவசியம் இல்லைங்க, என்ன சந்தோஷமா?

இப்பவே சில அம்மனீஸ் இந்த இன்ட்ரோவெ பார்த்து பயந்து பம்மி இருப்பாக, சரி நம்ம ப்ரொஸீட் பண்ணுவோம்.

முதல்ல தேவையான் பொருட்கள்:

பிரட் - 4 pcs

நெய் அல்லது வெண்ணெய் - 2 tsp (பிரட் மேல் தடவுவதற்க்கு)

பிரட்டை எடுத்து நீள வாக்கில் வெட்டிக்கோங்க (நான் இங்கெ படத்தில் கோடு போட்ட மாதிரி பேனாவுல கோடு போட்டு மானத்தை ராக்கெட்ல ஏத்திடாதிங்க பாய்ஸ்!!)

தோசைக்கல்ல அடுப்பில வச்சு நல்லா சூடானதும், இந்த பிரட் துண்டுகளை அது மேல போட்டு, அது மேல நெய்யை லேசா கரன்டியில தடவி, வாட்டி எடுங்க, பிரட் மொரு மொருன்னு, இலேசான சிவந்த நிறத்தை அடைந்ததும், அப்படியே எடுத்து தட்டையில வச்சுருங்க.அப்புறம் இது தொட்டுக்க சட்னி மாதிரி, கீழ்க்கண்டவைகளை மிக்ஸ் பன்னி ஒரு கோப்பையில் வச்சுக்குங்க, அப்படி இல்லைனாஜலீலா அக்கா இது மாதிரி சட்னி வகைகள் போட்டு இருப்பாங்க, அதுவும் ஒ.கே. தான்.

தயிர் - 3 tsp

மிளகு தூள் - சிறிதளவு

உப்பு தேவையான அளவு

மயோனைஸ் - 1 tsp (தேவைப்பட்டால்)

இப்போ பிரட் கிரிஸ்ப்பி கிரேக்கர்ஸ் ரெடி, தொட்டுக்க சட்னி ரெடி. தங்கமணி வழக்கம்போல் சீரியலில் மூழ்கி இருப்பாக, ஒரு சவுன்டு கொடுங்க, அங்கே இருந்து டெசிபெல் கூடுதலா சவுன்டு வந்தா, நீங்களே தட்டையே கை நடுங்காம அவுக இருக்கிற இடத்துக்கே போய் பரிமாறி உலகக் கோப்பையை தட்டிச்செல்லலாம், இல்லைனா வேற மாதிரி கோப்பை பறந்து வர வாய்ப்பும் இருக்கு, பத்திரமா பார்த்துக்கோங்க.

சவாலுக்கு நாங்கள் தயார்னு சேவலாட்டம் நீங்க கூவுறது நல்லாவே கேட்க்குதுய்யா!!

<>தாயிஃப் பயணம்

2009-08-11T12:22:00.000+03:00

தாயிஃப், நாங்கள் இருக்கும் ஜெத்தாவிலிருந்து 80 கி.மி. தூரத்தில் இருக்கும் ஒரு மலை பிரதேசம், கடல் மட்டத்திலிருந்து சுமார் 1,800 மீ உயரம். நமதூர் ஊட்டி போன்று குளிராக இல்லயென்றாலும், அனல் பறக்கும் பாலைவனத்தில் ஒதுங்க நிழல் கிடைத்தார்போல் ஒரு இதம். கடந்த‌ வெள்ளிக்கிழமை சிறிய ஒரு பிக்னிக் சென்று வந்தோம். நிறைய பார்க்க வேண்டியவைகள் இருந்தாலும், நேரம் இன்மை காரணமாக கேபிள் காரில் மட்டுமே செல்லும் வாய்ப்பு கிடைத்தது.

தரை மட்டத்திலிருந்து அழகிய சாலை வசதி மலையைச் சுற்றி வடிவமைத்து இருக்கின்றனர், மிகவும் பாதுகாப்புடன் அமைத்திருப்பது பாராட்டுக்குறியது. அதன் அழகிலும், நேர்த்தியிலும் எங்களைப் போன்ற அயல் நாட்டினர்களின் திறமையும், உழைப்பும் நூறு சதிவிகிதம் கொட்டி கிடக்கின்றதென்பது மறுக்க முடியாது உண்மை.

கேபிள் காரிலிருந்து கிளிக்கியவைகளில் சில, நமது நண்பர்களுக்காக:

<>எல்லாம் நேரந்தேன்

2009-08-03T11:36:00.000+03:00

சமீபத்தில் ISO AUDIT டிரெய்னிங் "யான்பு ரெடிசன்" ஹோட்டலில் நடந்தது. நான் கஷடப்பட்டு கை வலிக்க பதிவு எழுதுவத பார்த்து ராஸா வந்து கொஞ்ச நாளைக்கு ரெஸ்ட் எடுப்பான்னு அன்பான அழைப்பு வேறு, நாமதான் அன்புக்கு கட்டுப்பட்டவாங்களாச்சே, தட்டாமெ தலையாட்டிவிட்டு வெற்றிகரமாக போய் வந்தோம்.

முதல் நாள் வகுப்பு முடிந்ததும், எல்லோரும் சாப்பிட இங்கே வாங்கன்னு ஒருத்தர் அழைச்சிட்டு போனார், நான் அதை ரொம்பவும் டீடெய்லா சொல்லி உங்கள ஜொல்ல விரும்பல, ஆனால் பறப்பன, நடப்பன, நீந்துவன என எல்லாம் 'வாவா..வாவா..கண்ணா வா' என்னைப் பார்த்து பாடுவது மாதிரியே இருந்தது.

சரி மேட்டருக்கு வர்ரேன், உணவுகள் எல்லாம் ஒரு வரிசையில் வகைவகையாக இருக்க , அந்த கண்ணாடி மேசை மேல் குப்பை மாதிரி போட்டு வச்சிருந்தாங்க, அங்கே இருந்த பையனிடம் என்னப்பா இதுன்னு கேட்டேன், சார் உங்க கண்ணாடிய கழட்டிட்டு கலைக் கண்ணோட‌ இத பாருங்க,அப்போ புரியும்!! "டேய் என்னங்கடா இது" கேட்க்க தோணுச்சு, டேய் ஷஃபி அடக்கி வாசி, இப்பொத்தான் சூப், சலட் எடுத்து முதல் சுற்று தொடங்கியிருக்கே, இன்னும் அஞ்சு சுற்று, அதுக்கு அப்புறம் கேக், ஜூஸ் வேறு இருக்கு...கைக்கு எட்டியது வாய்க்கு எட்டாமல் போயுடும்.. சுதாரிச்சு.. அட ஆமா ரொம்ப அழகா இருக்கு, என்னே ஒரு கலை நயம்!! (மாறிருவோம்ல..ஹி..ஹி).

நல்ல ரவுன்டு கட்டிட்டு ஒரு Meal பார்வை, ஏதாவது விட்ட குறை, தொட்ட குறை இருக்கான்னு No chance, அப்படியே லன்ச்சிட்டு வரும்போது எதிரில் ஒரு மேஜை, அதோட கால்கள் என்ன்மோ பாசி பிடித்தார்போல, அதற்க்கு அருகில் காய்ந்த குச்சிகளையெல்லாம் ஒன்னா சேர்த்து ஒரு சாடியில், சரி கலை நயம்!! நடத்துங்கய்யா நடத்துங்க!!

இன்னும் கொஞ்ச தூரம் நடந்து வந்தா எதிரில் இரண்டு பழைய பானை. இரண்டு மாசத்துக்கு முன்னாடி தங்கமணி ரெண்டு பழைய பானையைத்தந்து ஆஃபிஸ் போகும்போது இதை குமாமாவில் (குப்பைத்தோட்டி) போட்டுட்டு போங்கன்னு சொன்னது ஞாபகம் வந்தது. இவிங்க கிட்டே கொடுத்து முப்பது ரூபாய் பானையை முன்னூறு டாலராக்கியிருக்கலாம். டூ லேட்..நீங்க வேனும்னா முயற்சி செய்யுங்களேன்?

அப்படியே வெளியே வந்தால், அழகான பசுமை, நடுவே ஒரு பட்டுப்போன மரம், இது எப்பவோ விறகு ஆகி இருக்க வேண்டியது, ரேடிசன் உபயத்தால் உயர்ந்து நிற்க்கிறது.

இவை யாவற்றையும் உற்று நோக்கியபோது எனக்கு தோண்றியது "பொருள் எப்படிப் பட்டவையாக இருந்தாலும் அது இருக்கும் இடம், அதனை சரியான முறையில் அனைவரும் கவரும் விதமாக வடிவமைக்கும் திறமை (Presentation+Creativity), இவை ஒன்றாக சேரும்போது குப்பை மேட்டையும் கோபுரமாக்கி காட்டலாம்.

அப்புறம் இந்த பகுதிகளில் ஈத்தப்பழம் (Dates) காய்க்கும் பருவ நிலை, சந்தை முழுதும் செங்காய்கள், இன்னும் சில நாட்களே கிடைக்கும் என்பதால் மக்கள் கூடை கூடையாக அள்ளி செல்கின்றனர்.

சரி இது எல்லாம் இருக்கட்டும் நீ அங்கே போய், கொட்டிக்கிட்டதும், ஊர் சுத்தினதும் போக டிரெய்னிங்கள என்ன படிச்சென்னு கேட்கிறவங்களுக்கு, இதோ இந்த படம், இந்த மாவை தான் மூனு நாளும் அரைச்சிக்குட்டு இருந்தோம்.

<>வண்ணக் கலவை

2009-08-03T09:05:00.000+03:00

இந்த வண்ணக் கலவை எனது நான்கு வயது மகன் அத்னான் வரைந்தது. அவனாகவே வண்ணங்களை தேர்ந்தெடுத்து ஏதோ ஒன்றை சொல்வது போல் இருந்தது இந்த ஓவியம்.

இந்த ஓவியத்திற்க்கு அவன் கொடுக்கும் விளக்கம் 'பொம்மை' 'புது மாடல் மொபைல் போன்' 'பூக்கள்' இன்னும் பல.

இன்று ஆகஸ்ட் இரண்டாம் தேதி, நண்பர்கள் தினம்!! இதனைக் கண்டவுடன் எனக்குத் தோன்றியது நமது நட்புக்களே!! நமது எண்ணங்கள் பல்வேறு வண்ணங்கள், ஆனால் நட்பு எனும் அழகிய உருவால் ஒன்றாகிறோம்.

இனிய நண்பர்கள் தின வாழ்த்துக்கள்

<>32ல் நான்

2009-07-27T14:53:00.000+03:00

என்னையும் இந்த 32 கேள்விகள் வலைக்குள் மாட்டி விட்ட சகோதரி சுமஜ்லா அவர்களுக்கு நன்றி!! இதோ........

1.உங்களுக்கு ஏன் இந்தப் பெயர் வந்தது? உங்களுக்கு உங்க பெயர் பிடிக்குமா ?

என்னுடைய பெயர் 'ஷஃபி', இது எனது தாத்தா எனக்கு வைத்த பெயராம்.

அப்புறம் 'ஷஃபிக்ஸ்' எப்படி? பள்ளி நாட்களில் ஆங்கில‌ ஆசிரியர் திரு. பிரான்சிஸ் அவர்கள் வகுப்பில் ஒரு நாள் suffix & prefix நடத்தினார், அந்த நாள் முதல் நன்பர்கள் suffixயே எனக்கும் வைத்து அழைத்த‌னர். அது தற்பொழுது வலைப்பதிவு பெயராகி விட்டது.

2.கடைசியாக அழுதது எப்பொழுது?

இய‌ற்கையின் சீற்றத்தின் இன்னல்களுக்கிடையே மனிதர்கள் மடிவது ஒரு புறம், மனிதனும் தன் பங்குக்கு மதம், இனம், நாடு எனும் ஆண‌வ‌த்தால், தவறேதும் செய்யாது தன் சக மனிதர்களை தண்டிக்கும் இழிச்செயல் ம‌றுபுற‌ம். இதனைக் கண்டு மனம் பல முறை அழுவதுண்டு.

3.உங்களோட கையெழுத்து உங்களுக்கு பிடிக்குமா?

பிடிக்கும். பள்ளி நாட்களில் தமிழ் மற்றும் ஆங்கிலக் கட்டுரைகளை கரும்பலகைகளில் ஆசிரியர்கள் என்னை எழுதச் சொலவார்கள். அதனைப் பின் தொடர்ந்து வகுப்பில் உள்ளவர்கள் எழுதுவர், அதனால் மற்றவர்களுக்கும் பிடிக்கும்னு நினைக்கின்றேன்.

4.பிடித்த மதிய உணவு என்ன?

சைவம் : தக்காளி குழம்பு + கீரை பொறிய‌ல்

அசைவம் : மீன் குழம்பு + வறுவ‌ல்

5.நீங்கள் வேறு யாருடனாவது உங்களோட நட்பை உடனே வச்சுக்குவீங்களா?

உடன்? கொஞ்சம் யோசிச்சு, அதுக்கு அப்புறம் தான்!

6.கடலில் குளிக்க பிடிக்குமா....அருவியில் குளிக்க பிடிக்குமா?

ஆறு!! எங்களூரில் இர‌ண்டு ஆறுகளிலும் பள்ளி நாட்களில் அடிக்கடி குளிப்பது உண்டு. தற்போது நீச்சல் குளம் தான், என்ன செய்ய குளோரின் அருந்தி குளிக்க வேண்டியதன் கட்டாயம்.

7.முதலில் ஒருவரைப் பார்க்கும் போது எதை கவனிப்பீர்கள்?

உடை!! விலை உயர்ந்த ஆடையாக இருக்க வேண்டுமென்று அவசியம் இல்லை, எளிமையிலும் முழுமையான உணர்வை தர முடியும். ஒரு ஆளோட ரசனை அவருடைய ஆடைகளில் ஓரளவு வெளிப்படும்னு நினைக்கின்றேன்.

8.உங்க கிட்ட உங்களுக்கு பிடிச்ச விஷயம் என்ன? பிடிக்காத விஷயம் என்ன ?

பிடித்த விஷயம் : எதையும் இதை இப்படித்தான் செய்ய வேண்டும் என திட்டமிட்டு செய்வது, பல நேரங்களில் அப்படியே நடந்து விடுவதும் உண்டு, அதில் ஒரு மகிழ்வு இருக்கத்தான் செய்கிறது.

பிடிக்காத விஷயம் : அப்படி நடக்காவிடில் அப்செட் ஆகி, ஏதாவது காரணம் கண்டுபிடிச்சு அதுக்கப்புறம் தான் அப்பாடான்னு ஒரு திருப்தி ஆவது (சில சமயம் நம்மள நாமளே ஏமாத்திக்குறோமோன்னு தோணும், ஆனால் மனதிற்க்கு ஒரு நிறைவு, அது ரொம்ப முக்கியம்னு கருதுகிறேன்)

9.உங்க சரி பாதி கிட்ட உங்களுக்கு பிடித்த பிடிக்காத விசயம் எது?

பிடித்த விஷயம் : பொறுமை

பிடிக்காத விஷயம்: அந்தப் பொறுமையை வெல்ல முயலும் எந்த முயற்சியும்

10.யார் பக்கத்துல இல்லாம இருக்குறதுக்கு வருந்துகிறீர்கள் ?

எனது பள்ளித்தோழர்கள் அனைவரையும். சிலரை சந்தித்தாலும், ஒரே இடத்தில் வைத்து அனைவரையும் சந்திக்க வேண்டுமென ஆசை.

11.இதை எழுதும் போது என்ன வர்ண ஆடை அணிந்து உள்ளீர்கள் ?

ஆலிவ் பச்சை நிற முழுக்கை சட்டை, சாம்பல் நிற கால் சட்டை

12.என்ன பார்த்து//கேட்டுக் கொண்டு இருக்குறீங்க ?

பார்ப்பது : அலுவலகத்தில் மேசை மேலிருக்கும் அழகான சிறிய செடி.

கேட்பது: அலுவலகத்தில்......அரபி, மளையாலம், ஹிந்தி என பல மொழிகள் காதில் விழுகிறது, அதனிடையே எனது தட்டச்சு சத்தம்.

13.வர்ணப் பேனாக்களாக உங்களை மாற்றினால் என்ன வர்ணமாக உங்களுக்கு ஆசை?

மெட்டாலிக் கருப்பு நிறம் அதில் பளிச்சுடும் வெள்ளை கற்கள் பதித்து இருந்தால் ராயலோ ராயல்!!

14.பிடித்த மணம் ?

மலர்களில் லேவன்டர், இலைகளில் மின்ட், வாசனைத் திரவியங்களில் ஜோவன் மஸ்க்!!

15.நீங்க அழைக்கப் போகும் பதிவரிடம் உங்களுக்கு பிடித்த விஷயம். அவரை அழைக்கக் காரணம் என்ன ?

டூ லேட்!! என்னுடைய பதிவுலக நன்பர்கள் அனைவரும் இந்த 32 மழையில் ஏற்க்கனவே நனைந்தவர்கள்.

16.உங்களுக்கு இதை அனுப்பிய பதிவரின் பதிவில் உங்களுக்குப்பிடித்த பதிவு ?

சகோதரி சுமஜ்லா, இவருடைய எந்தப்பதிவானாலும், அவருடைய கடின உழைப்பு, எதைப்பற்றியும் அலசி ஆராயும் தன்னம்பிக்கை, கற்க்கவும் கற்றுக்கொடுக்க்வும் அவர் காட்டும் ஆர்வம், நகைச்சுவை உணர்வு, அனைத்தும் வெளிப்படும்

17.பிடித்த விளையாட்டு?

பாட் மின்ட்டன் மற்றும் நீச்சல், தற்பொழுது நீச்சல் மட்டுமே. கிரிக்கெட் ஒரு நாள் ஆட்டம் மட்டும் காணப்பிடிக்கும்

18.கண்ணாடி அணிபவரா?

ஒன்பதாம் வகுப்பு படிக்கும்போது அணியத்தொடங்கியது இன்னும் தொடர்கிறது.

19.எப்படிப் பட்ட திரைப் படம் பிடிக்கும்?

திரைப்படம் என்பது ஒரு நல்ல பொழுது போக்காக இருக்க வேண்டும். வன்முறைகளாலும், தேவையற்ற காட்சிகளாலும் சமுதாயத்தை சீரழிக்கும் ஒரு சாதனமாக மாறி வருகிறது. சினிமா தயாரிப்பாளர்களும், ரசிகர்களும் சற்று சிந்தித்தால் நலம்.

20.கடைசியாகப் பார்த்த படம்?

பள்ளி, கல்லூரி நாடகளில் உள்ள ஆர்வம், நேரம் இப்போது இல்லை, சில நேரங்களில் நைல் சேட்டில் வைத்து ரிமோட்டை அழுத்தி விளையாடும்போது TWO WEEKS NOTICE காணும் வாய்ப்பு கிடைத்தது. பழைய படந்தான் ஆனால் நல்ல ரொமான்டிக் படம்.

21.பிடித்த பருவ காலம் எது?

மழைக்காலம். அதுவும் மழைக்கு முன் தவழும் சில்லென்ற காற்று, ஒரு இன்பச்சிலிர்ப்பு.

22.என்ன புத்தகம் படித்துக் கொண்டு இருக்கீங்க?

நிறைய படிப்பதுண்டு, இது தான் என்று சொல்லத்தெரியவில்லை. நெட்டில் நிறைய மேய்வதுண்டு. எது படித்தாலும் அதில் ஏதாவது கற்றுக்கொள்ள வேண்டும் என நினைப்பவன்.

23.உங்கள் டெஸ்க்டொப்-ல் இருக்கும் படத்தை எத்தனை நாளுக்கு ஒரு நாள் மாற்றுவீர்கள்?

அலுவலகத்தில் : எப்பொழுதும் அதே வின்டோஸ் ஸ்டேன்டர்ட் படம். வீட்டில் : மகனுக்காக‌ அவனுக்கு பிடித்தவற்றை தேடி அடிக்கடி மாற்றுவதுண்டு.

24.பிடித்த சத்தம் ? பிடிக்காத சத்தம்?

பிடித்த சத்தம் : அமைதியான தோட்டம், பறவைகளின் விதவிதமான சத்தங்கள், அருகில் ஒரு நீரோடையும் இருந்தால் இன்பம் அலாதிதான்

பிடிக்காத சத்தம் : மனதை புண்படுத்தும் பேச்சு சத்தம்

25.வீட்டை விட்டு நீங்கள் சென்ற அதிக பட்ச தொலைவு?

மலேசியா, தற்பொழுது சவூதி அரேபியா

26.உங்களுக்கு ஏதாவது தனித் திறமை இருக்கிறதா?

அப்படி இருப்பதாக எதுவும் தெரியவில்லை, பல நேரங்களில் பல பேர் பலதும் சொல்வதுண்டு! அது அவரவர் பார்வைகளில்.

27.உங்களால் ஏற்றுக் கொள்ள முடியாத ஒரு விஷயம்?

நம்பிக்கை துரோகம்

28.உங்களுக்கு உள்ளே இருக்கும் சாத்தான்?

சில நேரங்களில் நாம் நினைத்தது நடந்தே ஆக‌ வேண்டும் என் எதிர்ப்பார்ப்பது.

29.உங்களுக்கு பிடித்த சுற்றுலா தலம்?

ஊட்டி

30.எப்படி இருக்கணும்னு ஆசை?

வீட்டின் மகிழ்வே, நாட்டின் மகிழ்வு. அதனால் வீட்டிற்க்கு உபயோகமுள்ள ஒரு ஜீவனாக இருக்க வேண்டும். எனது நட்புக்களுக்கு நல்ல நன்பனாகவும் இருக்க வேண்டும்.

31.மனைவி இல்லாம செய்ய விரும்பும் ஒரே காரியம் ?

சமையல்!! மனைவியடம், நீ போய் உட்காரு, நான் எல்லாத்தையும் பார்த்துக்குறேன்னு சொல்லி சமையல் செய்வதில் ஒரு ஆனந்தம் (எப்பவாவது ஒரு தடவை இப்படி ஒரு அட்வென்ட்ச்சர் அட்டெம்ப்ட் செய்வதுண்டு)

32.வாழ்வு பற்றி ஒரு வரி சொல்லுங்க?

வாழ்க்கை இரு 'கை'களில். இறை நம்பிக்'கை', தன்னம்பிக்'கை'. இவ்விரு கைகளைக் கொன்டு, எந்தச் செயலையும் எளிதாக அனுகினால், எப்பொழுதும் சிறப்பே!!

<>எண்ண அலைகள்

2009-07-22T17:17:00.000+03:00

மாடி வீடு,

கோடிகளும் உண்டு.

கெஞ்சாத இடமில்லை,

குழந்தையில்லா ஒரு குறை தான்!

கோடி வீடு
குழந்தைகள் குதூகலம்.
கூரையில்லா குடிசை,
குறை அதுமட்டுந்தான்!

கையில் கணிணி
கை நிறைய காசு
கற்றான் என்னவோ?
சுற்றுகிறான் ஊரெங்கும்!
கண்பட்டு பயனென்ன‌?
கல்லாதது என் குறை தான்!

கால்களை நான்‌ வ‌ருத்தி,
கடத்தியது போதுமடா,
காலமெல்லாம் தெருக்கடையில்
திகட்டியது என் வாழ்க்கை!

ப‌டித்தேன் ப‌ட்ட‌மெல்லாம்
ப‌ற‌ந்தேன் ஊரெல்லாம்,
உற‌வுகளை பார்ப்ப‌தோ
வ‌ருடமொரு முறை தான்!

ப‌ட்டாடை ப‌ல்லாயிர‌ம்
ப‌ல்லிளித்தாய் ப‌க‌ட்டைக்க‌ண்டு!
பாலாடைக்காணா ப‌சிவ‌யிறு,
பார்க்க‌ ம‌ற‌ந்த‌தேன்
ப‌க்க‌த்து வீட்டில்!

ப‌ழ‌குவ‌த‌ற்க்குள் பெற்ற‌ இன்பம்,
ப‌ழ‌ங்க‌தையாய் ஆக்கி வைத்தாய்,
தொலை நோக்கென வாதித்து
தொலைத்தாய் தொடங்கியதை!

எண்ண‌ ஓட்ட‌ங்க‌ள்
ஓடுது பார் அங்குமிங்கும்,
இருக்கும் அடுத்தோரை
ஆராய்வதை நிறுத்திவிடு!

களைந்திடுவோம் காழ்ப்புணர்வை
கண்டிடுவோம் அக‌ம‌கிழ்வை
வேடமிட்டது போதும்

வெறுத்திடுவோம் இவ்விழிச்செய‌லை!

<>''சுவாரஸ்ய வலைப்பதிவு விருது''

2009-07-19T11:00:00.000+03:00

அன்பு நன்பர் நட்புடன் ஜமால் எனை ஊக்கப்படுத்தி மகிழ்வித்த இந்த விருது!! சம்பிரதாயப்படி இந்த விருதை நம் பதிவுலக‌ நன்பர்களுக்கு வழங்கி சிறப்பிக்க வேண்டுமாம், விருது கொடுக்கும் தகுதி இந்தப்புதிய பதிவாலனுக்கு சுமத்தப்பட்ட சுகமான‌ சுமை தான். இங்கு பழம்பெரும் மூத்த பதிவாலர்களுக்கு இந்த விருதை அளிப்பதில் பெருமைப்படுகின்றேன்.

இவரது எழுத்துக்களில் அவருடைய ஆழமான் உழைப்பும், அது பற்றிய நுண்ணறிவும் இருக்கும், Teaching Skills இவரிடம் நிறையவே இருக்கிறது. சமீபத்தில் வலைப்பூ சம்பந்தமான தொழில் நுட்பக்கூறுகளை பதிவாக போட்டு புரட்சி செய்துவரும் சுமஜ்லா.

இவருடைய கவிதைகளில் சமுதாயப்புரட்சியும், ஆதங்கமும் சீறி எழும், அதற்க்கு சாட்சி சமீபத்திய அவருடைய படைப்பு 'சீதைகளை சிதையில் ஏற்றாதீர்'.... அவரே தான் சக்தி

கவிதைக்கு ஒர் அரசி, தனது ஓசையையே கவிதையாக்கி மகிழ்த்திடுவார், இவருடைய கவிதைகளின் ரசிகர் பட்டாளத்தில் நானும் ஒருவன், இவர் தான் எங்கள் தமிழரசி.

அவர் கவிதைக்கு அரசியென்றால் இவர் சமையற்கலையில் அரசி, அது மட்டுமல்லாது வீட்டு பராமரிப்பு குறிப்புகளை மிகச்சிரத்தையுடன் பகிர்ந்து வருகிறார். இவர்தான் ஜலீலா ‌

அழகிய சிறு கவிதைகளை படைத்து வருபவர். என்னுடைய ஆக்கங்களுக்கு ஊக்கம் கொடுப்பதில் இவரும் ஒருவர். இவருடைய கவிதை 'சுவாசம்', நான் படித்து ரசித்தவற்றில் ஒன்று. இவர்தான் ரோஸ்.

சமீபத்தில் இவருடைய சிறு கவிதைகளை படித்தேன். மிகவும் எதார்த்தமாக இருக்கும் இவர் கவி வரிகள். இவருடைய ஆக்கங்கள் "ஏக்கம்" மற்றும் "வெட்கம்", சிறிய வரிகளானாலும், ரசிக்கும்படியாக இருந்தது. வாழ்த்துக்கள் காயத்ரி!!

நன்றி நன்பர்களே!!

<>மகிழ்வித்த ஜமால்

2009-07-16T12:53:00.000+03:00

மகிழ்ச்சி மழை எனது தோட்டத்தில், ஆம் இந்த வாரம் ந‌ன்பர் நட்புடன் ஜமால் ஜொலிக்க வைத்த வைரக்கிரீடம், சென்ற வாரம் எங்கள் வலைப்பூ அக்கா தமிழ் அரசி வலைச்சரத்தில் வழங்கிய தங்கப்பதக்கம்!!

**நன்றிகள் என் அன்பு நெஞ்சங்களுக்கு**

முகம் தெரியா முல்லை பூக்கள், நட்பு மட்டும் நன்றாய் தெரிந்த நட்பூக்கள், வந்தேன் விருந்தாளியாகத்தான், சொந்தமாக்கி கொண்டாடிய தங்க நெஞ்சங்கள்!! இப்படி அடுக்கிக்கொன்டே போகலாம் ஆலமரமாய் வளர்ந்து வரும் நம் நட்பை!

வாழ்க நன்பர்களே!! வளர்க நட்புடையோர்களே!!

<>உங்களுக்கு புரிஞ்சுதா....?

2009-07-12T20:33:00.000+03:00

"என்னை யாருமே புரிஞ்சுக்க மாட்டேங்கிறாங்கப்பா" இப்ப‌டி ப‌ல‌பேர் சொல்லி நாம் கேட்டிருக்கின்றோம். சொல்வது யாராகவோ இருக்கட்டும், இதில் நமது பொறுப்பு என்னவென்பதை ப‌‌ற்றி இங்கே கொஞ்ச‌ம் புரிஞ்சுக்க‌லாமா? சமீபத்தில் Communication பற்றி படிக்கும்பபோது கிடைத்தவற்றை உங்க கூடவும் பகிர்ந்துக்கலாமேன்னு தோன்றியது.

வீட்டிலும் அலுவலகத்திலும் ஏற்படும் பெரும்பாலான பிரச்னைகளுக்கு காரனமும் இது தான்.

"இப்ப நான் என்ன சொல்லிட்டேன்னு இப்படி அழுது ஆர்ப்பாட்டம் பன்றே"ன்னு அலரி அப்புறம் ஐஸ் வைக்கும் வீட்டுக்காரர்.

"உங்க‌ கிட்டேப்போய் இதை செய்ய சொன்னேனே", என்ன‌ய்ய‌ சொல்ல‌னும் - இப்ப‌டி இடித்துரைக்கும் இல்ல‌த்த‌ர‌சி.

"என்னடா இப்படி ஒரு சில்லியான கேள்வி"ன்னு ஆச்சர்யப்படுத்தும் அப்பாக்கள்

இவுக எல்லோரும் இத கொஞ்சம் ஆழமா மேஞ்சுட்டு போங்க‌. Effective Communication க்கு சில‌ காரணிகள்:

1. கவனித்துக் கேட்டல் (Listen)

பேசும்போது, அவங்க கண்ணைப் பார்த்து உங்க காதைக் கொடுத்து,க‌வனமா கேட்கனுமாம். "நீ ரொம்ப அப்ஸெட் ஆயிருக்கேன்னு எனக்கு நல்லா புரியுது, நீ என்ன சொல்ரேன்னும் எனக்கு புரியுது" இது மாதிரி சொல்வதன் மூலம் நீங்கள் கவனமாக கேட்கிறிர்கள் என்பது அவர்களுக்கு புரியும்.

2. மற்றவர்களின் உணர்வுகளை மதித்தல் (Empathy)

"டேய் மச்சான் இன்னக்கி மேனேஜர் பயங்கரமா ஏறிட்டார்டா, ரிப்போர்ட் கொடுக்க ஜஸ்ட் ஒரு மணி நேரம் தான், அதுக்கு போய்...." இப்படி ஒரு நனபர் வந்தார்னா, "அட போடா இதே ரோதனையா போச்சு நீயும், உன்னோட மேனேஜரும், நானா இருந்தா அப்பவே அந்தாள எட்டி உதைச்சுட்டு, வேற வேளைய பார்த்துட்டு போய் இருப்பே"ன்னு நீங்க சொன்னா சத்தியமா நீங்க மாறித்தான் ஆக வேண்டும்.

3. பொறுப்பேற்றல் (Be Responsible)

"சரி என்கிட்டே சொல்லிட்டியல்ல, நாம ரென்டு பேரும் நல்லா டிஸ்கஷன் பன்னுவோம், ஒன்னும் கவலைப்படாதே"...இப்படி ஒரு ஆருதல் கிடைத்தால் நிச்சயமா மற்றவர் சந்தோஷப்படுவார். அதை விட்டுட்டு "அச்ச்சோ... ரொம்ப சாரிப்பா" அத்தோட ஆளு எஸ்ஸ்ஸ்ஸ்ஸானா எப்படி இருக்கும்.

4. அட‌க்கம் அல்லது பணிவு (Be humble)

"இந்த மேட்டரெல்லாம் எனக்கு ஜுஜுபி" இது மாதிரி மேதாவித்தனத்தை கொஞ்சம் சுருட்டி வச்சுட்டு. உங்க LKG படிக்கர பொன்னு "அப்பா இன்னக்கி டீச்சர் என்னோட நோட்ல 5 ஸ்டார் போட்டாங்கப்பா"ன்னு சொன்னா நீங்க அவங்க லெவலுக்கு இறங்கி அதே குதூகலத்துடன் "அம்மாடியோவ் 5 ஸ்டார்,சூப்ப்ர்டா என் சமத்து"ன்னு உற்சாகப்படுத்த வேண்டும். அத விட்டுட்டு "சரி சரி, அது இருக்கட்டும் நாளைக்கு உள்ள ஹோம் வொர்க்கை போய் செய்"னு சொன்னால், அப்பாவை..அடப்பாவின்னு சொல்லத்தோனும்.

5. வார்த்தைகளை சிந்துமுன் சிந்தித்தல் (Be Thoughtful)

எரிகிற வீட்டில் எண்ணெய் ஊற்றுவது மாதிரி, அவர் எது சொன்னாலும், "ஆமாம் அப்படித்தான்", "கரெக்ட்", "அவன விடக்கூடாது", அவரோடு சேர்ந்து நீங்களும் வசைமாரிப் பொழிய வேண்டாம். அவரை கொஞசம் அமைதிப்படுத்த முயற்சித்து, நீங்கள அதிகமாக பேசாமல், அவர் பேசுவதை கேட்டு, ப்ள்ஸ், மைனஸ் பாயின்ட்களை புரியவைத்து அப்புறம் என்ன செய்யலாம்னு தீர்மானிக்கலாம்.

ஒரு ரிப்பீட்டு:

*Listen* *Empathy* *Be Responsible* *Be Humble* *Thoughtful*

சந்தேகப்பேர்வழி Mr.Doubt என்ன கேட்கிரார்னா "இது எல்லாம் சொல்லித்தொலைச்சாத்தானே கரெக்ட்டா வொர்க் அவுட் ஆவும், எங்க வூட்டுக்காரவுக‌ இந்த மாதிரி சிட்சுவேஷன்ல் மெளன மொழியிலய்யா பேசுராங்க" நான் என்ன செய்ய? ...என்ன செய்ய...மெளனம் தான் பதில்.

<>நன்றி... நன்றி... நன்றி

2009-07-11T09:24:00.000+03:00

என்னை ஒரு வலைப்பதிவாளனாக மதித்து அழகிய முறையில் வலைச்சரத்தில் அறிமுகப்படுத்திய எங்கள் வலைப்பதிவு அக்கா தமிழரசியாருக்கு என் மனமார்ந்த நன்றிகள்.

என்னை இந்த அழ‌கிய‌ பூந்தோட்ட‌த்திற்க்கு அழைத்து வ‌ந்து‌ உங்க‌ள் அனைவ‌ரையும் அறிமுக‌ப்ப‌டுத்திய‌ நவாஸிர்க்கு ந‌ன்றிக‌ள் பல‌. அடுத்து கிடைத்த‌ அற்ப்புத‌ ஜாம்ப‌வான்க‌ள் ஜ‌மாலும் அபூஅஃப்ச‌ரும், இவ‌ர்க‌ளுக்கும் என‌து ந‌ன்றிக‌ள்.

என‌து ஆக்க‌க‌ங்க‌ளுக்கு த‌வ‌றாம‌ல் பின்னூட்ட‌மிட‌ம் செய்யது, ரோஸ், சும‌ஜ்லா, ஜ‌லீலா, அக்பர், சர்ஃப்ராஸ், முகேஷ் ம‌ற்றும் புதிய‌ ந‌ன்ப‌ர்க‌ள் ச‌க்தி, ர‌ம்யா, வ‌சந்த், தேவ‌ன்மய‌ம், ந‌சரேய‌ன், மயாதி, சுரேஷ் அனைவ‌ருக்கும் ம‌ன‌மார்ந்த ந‌ன்றிக‌ள்.

இன்னும் சிற‌ந்த‌‌ ப‌டைப்புக‌ளை வ‌ழ‌ங்க‌ வேண்டும் என்ற‌ ஆர்வ‌த்தில் உங்க‌ள் அனைவ‌ரின் ஆத‌ர‌வை நாடும் உங்க‌ள் அன்பு ந‌ன்ப‌ன் "ஷ‌ஃபி".

<>இப்படிக்கு கவிதை

2009-07-06T22:02:00.000+03:00

நறுக்கினார் போல் நாலே வரிகள்
நான்காயிரம் மொழிப்பெயர்ப்பு
நானூறு பொழிப்புரைப்பு
விவ‌ர‌மானோர் விவாதிக்க,
அற்றோரோ ஆமோதித்தர்!

கவிதை கைக்குட்டைத்தான்,
கரை புரன்டது காவிரியாய்
வார்த்தை விளையாட்டாய்
விளையாடியது அவர் நாவால்

எதுகை மோனையாய் எடுத்துரைத்து
இசையோடு இழைத்து எனை
இனிதே இன்புற்றார்
பார்த்த‌லும், கேட்ட‌லும், ப‌கிர்த‌லும்
நாள் முழுதும் அவருட‌ன் நான்

மஞ்சனையில் வஞ்சனையாய்
கெஞ்சியே குழைந்திடுவார்
கொஞ்சியே காதலதன்னை
கவிதையால் கழைந்திடுவார்

அடுக்கடுக்காய் ஆயிர‌ம்பொய்
அத்தனையும் கவிதைத்தானாம்

க‌ய‌ல் விழிகளிரன்டை
க‌ளவாடினார் எனை வைத்து
காத‌ல் ம‌ழை பெயச்செய்தார்
க‌ருங்கூந்த‌ல் கார்மேக‌மாம்

சிதைத்தார் செவ்வித‌ழை
செந்தேனது,
புல‌வ‌ன் நானென்றார்
செம்மேனியாள் செய‌லிழந்தாள்
அங்கேயும் நானிருந்தேன்

காதலோ காமமோ
காத்திருப்பேன் க‌விதையாய்
கனக்கிலடங்கா கனா உனக்கு,
கட்டவிழ் நானி நிற்ப்பேன்

ந‌ங்கூர‌மாய் ந‌ம் ந‌ட்பு,
இருத்திவிடு
இரும்புச்ச‌ங்கிலியாய் எனை இனைத்து

வீரமும் தீரமும்
வெகுன்டெழட்டும் வைர வரிகளாய்
தடைகளை தகர்த்தெறி
எரிக்கட்டும் உன் எழுத்துக்கள்

...இப்ப‌டிக்கு க‌விதை

<>வெட்க்கிய காதல்

2009-07-04T15:33:00.000+03:00

"காதல் மழைக்காக ஒதுங்கியவர்கள்

அக்னியாய் பார்வைகள் அனலாய் வீச

தடைகளை குடையேந்தி தகர்தெரிந்தவர்கள்"

பேசுவேனா வீரவசனம் ?

விரசமும், சரசமும் வெட்டவெளியில்

வெட்க்கித்தலை குனிகிரேன் மனம் வெதும்பி

வீதியில் விளம்பரம்..

விரகம்தான் விடயமோ

புனிதமான காதல் புடலங்காயோ

காசு கொடுத்தால் கிடைக்க கத்தரிக்காயோ

சுதந்திரமென சுலபமாய் சொல்வீர்கள்

சீரழிக்கும் சுதந்திரம் சுலபமாய் வந்தாலும்

அருவெறுப்பாய் இருக்கிறது, அறவே வேண்டாம்!!!

<>போட்டோவை பிடிக்கிறாங்கடோய்

2009-07-01T13:35:00.000+03:00

அண்ணே...பார்த்து எடுங்க‌

ஃபோக்கஸ் பன்ன வேண்டியது தான், இது ஓவரிலும் ஓவர்

இவர் நிச்சயமா கபடி பிளேயராத்தான் இருப்பாரு

இவரு படம் பிடிக்கிராரோ இல்லையோ, இவரோட லோ ஹிப் அனைவரின் கேமராவயும் கவரும்

இந்த குரூப்போட அல்டிமேட் ஸ்டார் இவருதானுங்க,.. சொல்லத்தேவையில்லை!!

<>டெக்னிக்'கலாய்'த்த காலம்..

2009-06-30T11:51:00.000+03:00

(அது 1999 இன்டெர்னெட் உபயோகப்படுத்த தொடங்கிய காலம், வழக்கம்போல் நன்பர்கள் சேட்டிங் அது இது என்று அறிமுகப்படுத்தினார்கள், ஆன்லனில் பல நல்ல‌ நன்பர்கள் கிடைத்ததும் உண்டு, ஏடா கூடமாக எதுவும் நடக்கவில்லையென்றாலும்.. அப்படி ஒன்று நடந்திருந்தால், ஒரு சிறு கற்பனை)

அழுத்தினேன் அறை எண் மூன்று

அட‌டா, அறை முழுதும் அச‌த்த‌ல்கள்

குயில்களின் கூட்டம், மானோடு மயில்க‌ளும்தான்

பாப் அப்பாய் ஒரு பாப்பா, என்னை பார‌ப்பா என்றது

வ‌ய‌து, நிற‌ம், உய‌ர‌ம் இதுவும் வேண்டுமாம்

த‌ட்டிவிட்டேன் ஒரு என்ணை தந்திரமாய், ‌

அவ‌ளுக்கு வ‌ழ‌க்க‌ம்போல் ப‌தினெட்டேத்தானாம்

இத‌னிட‌யே இன்னொருத்தி இங்கே வா என்ற‌ழைத்தால்

ர‌க‌சியமாய் அவ‌ள் சொன்னால் ர‌ஷ்ய‌ப்பெண் தானென்று

ஒன்றா இர‌ன்டா இப்ப‌டியாய் ஒன்ப‌து பேர்

அமேரிக்கா, ஆப்பிரிக்கா இப்ப‌டி ப‌ல‌ க‌ன்ட‌ங்க‌ள்

சிந்தனை சிறகடித்தது சிகாகோ‌வுக்கும், சிங்கைக்கும்

சிறு இடைவெளியில் ஒன்பதில் ஒன்றைக்காணோம்

அடுத்த‌ சில‌ நொடிக‌ள், அறை முழுதும் வெருமை!!

தட‌ங்க‌ளுக்கு வ‌ருந்துகிறோம்....தொழில் நுட்பக்கோளாறாம்

<> 'ம்' என்றால்..

2009-06-27T10:51:00.000+03:00

இதற்க்கு என் எதிர்க்கவிதை

கேட்பதெர்க்கெல்லாம் 'ம்' தான்

அந்த 'ம்' இல்லயாம், இப்பொ இது வேறாம்.

உப்பு குறைவென்று உண்மைத்தான் சொன்னேன்

கடலை கறியும் கடலாய் மாறியது!!

சில மணி நேரம் சீரியல், சினுங்கமாட்டோம்..

சீரியலால் நீங்கள் சினுங்காதவரை!

விளம்பர இடைவேளை..

மனதைத்திருப்ப மனமில்லை,

விழிகளையுமா?

அழகான புடவைத்தான் நேற்றுவரை

அடுப்பங்கரைக்கு போனது ‍அடுத்தாத்து அம்புஜத்தாள்

என்றோ சொன்னது சேர்ந்தே ரசித்தாய்

இன்றைக்கு புதிராய் மொழிபெயர்த்து வைத்தாய்.

இறகு போல் குவ‌ளை, இருப‌து கிலோ ஆன‌து

நானும் புரிந்து கொன்டேன் 'நங்' ச‌த்தத்தால்

திட்டித்தீர்ப்ப‌து கதவின் மேல் காகத்தைத்தான்

காட்டம் புரிகிரது கருசமனிதான் விவகாரம்

மீட்ட‌ர் நீள‌ நெக்ல‌ஸ், முழ‌ங்கை வ‌ரை வ‌லைய‌ல்கள்

முன‌க‌ல் நிறக்க‌வில்லை, கடையை மாற்றனுமாம் இவள் பெயருக்கு!

உய‌ர்தினையும் அஃறினையும் மாறி மாறி மாற்றும்

'இந்த' இவ‌ளை மாற்றும் முய‌ற்சியில்.... இவ‌ன்

<>மின்னல்!!

2009-06-24T10:17:00.000+03:00

மின்னல்...இருளடைந்த வானில்

சிதரும் வெளிர் வண்ண கோடுகள்,

சில கனமே தரிக்கும், பார்வையையும் பரிக்கும்
இம்மின்னலோ, மின்னலாய் தான் வந்தாள்,

மின்காந்தமாய் இழுத்தாள்!

பரித்தாள்... பார்வையோடு, மனதையும்தான்

இன்ப அதிர்ச்சி இடியாய் வந்தாலும்

இனிதாய்த்தான் இருந்தது இவளிடம்!

காத‌ல் ம‌ழையால் ம‌ன‌தும் ந‌னைந்த‌து

ச‌காரா பாலை, பூஞ்சோலையான‌ மாயம்,

எண்ணம் முழுதும் வர்ணப்பூக்கள் ஜாலம்

அடாத மழை இனி விடாது பெய்ய‌ட்டும்

ஓயாத‌ ம‌ழையே...இனியும் நீ ஓயாதே!!

<>பயனுல்ல‌ சில டிப்ஸ்

2009-06-20T15:12:00.000+03:00

சமீபத்தில் மின்னஞ்சலில் வந்தது...கொஞ்சம் யோசிச்சுப்பார்த்தால், இதுல நிறைய விஷயம் இருக்குங்கோ.

நாம சந்தோஷமா இருக்கும்போது எந்தவிதத்திலும் உத்திரவாதமோ, அத செய்வேன், இத செய்வேன்னு அலப்பரையோ, நிலாவ பிடிச்சு நீ நிற்க்கும் இடத்தில் நிறுத்துவேன் வானத்துக்கு குதிக்கிறதோ, ஏதோ ஒரு மூடில் அடுத்த மாசம் சம்பளம் வரட்டும் என்னோட செல்லத்திர்க்கு அரை கிலோ 'கவுனர் மாலை' வாங்கித்தர்ரேன்னு அலம்பல் பன்னிட்டு...அப்புறம் அடுப்பங்கரை பக்கம் உக்காந்து யோசிக்கக்கூடாதாம்.

அப்புறம் நாம கோவமா இருக்கும்போது, வாயை கம்னு மூடிக்கிட்டு கொஞ்சம் அமைதியா இருந்தால் பல வேன்டாத பின் விளைவுகளை தவிர்க்கலாம்னு சொல்ராங்க. இது இப்போ உள்ள‌ ஈமயில்/SMS உலகத்திர்க்கு உஷாரான ஒரு பரிந்துரை!! கொஞ்சம் 'SEND' க்ளிக்குவதர்க்கு முன்னால் மூனு முரை யோசிங்க. (ஹலோ ரொம்ப டெக்னிக்கலா 'RECALL' அப்படி இப்படீன்னு போவாதீங்கப்பா)

இன்னொன்னு என்னன்னா, ரொம்ப கவலையா இருக்கும்போது எந்த ஒரு முடிவும் எடுக்கக்கூடாதாம், என்னடா இது இப்படி ஆயிடுச்சேன்னு பட்டுன்னு எடுத்தேன் கவிழ்த்தேன்னு ஏதாவது செஞ்சுட்டு, அடடா, கொஞ்சம் பொறுத்து இருந்தால் அப்படி ஆயிருக்குமே, அதை மிஸ் பன்னி இருக்கமாட்டோமேன்னு நம்மள நாம்மாளே திட்டி தீர்க்குரதுக்கு பதில், ஏதாவது கவலை நம்மை தாக்கும்போது ‌'This too will pass' இதுவும் கடந்துவிடும்னு சொல்லி பொறுமையாய் இருக்கனுமாம்.

நம்மள்ள சிலபேரை பார்த்திருப்போம், லோலோன்னு ஒருத்தவங்க பின்னாடி அலைவாங்க, ஆனா இந்த பார்ட்டிய இவர் கேர் பன்னவே மாட்டார். ஒருத்தர் சின்சியரா விரும்புவாங்க ஆனா இந்த மன்மதனோ i dont mind தான் (இதை க‌ல்லூரி ப‌ருவ‌த்தில் கண்ணால் க‌ன்ட‌து...சில‌ பேரின் தாடிக‌ள் சொல்லும்).

உங்களை பற்றி லொட்டு லொசுக்கு எல்லாத்தையும் எல்லோரிடமும் சொல்லனும்னு தேவையில்லை.
ஒருத்தருக்கு உங்களை பிடிச்சுருச்சுன்னா அவங்களுக்கு அது தேவையில்லை!! அப்படிக்கு பிடிக்கலைனா நீங்க என்ன சொன்னாலும் அதை நம்ப போவது இல்லை!! கால விரயம்தான்.

உறவு என்பது ஒருத்தரை சமமாக புரிஞ்சுக்குற‌தில தான் இருக்காம். நீங்க ஒருத்தரை ஏதோ பெரிய ஆலமரம்னு நினைச்சு பழகுவீங்க, ஆனா அவரோ நீ ஒரு கில்லு கீரை ரேஞ்சுக்குத்தான்னு உங்களை மதிச்சார்னா, சாரி..குட்பை சொல்ரது நலம்.

<>சோப்பு, சீப்பு, கண்ணாடி

2009-06-15T08:43:00.000+03:00

நேத்து வீட்டு பக்கத்தில் உள்ள சோப்பு, சீப்பு, கண்ணாடி எல்லாம் விற்பாங்கள்ள, அது தான் 'ஃபேன்சி ஸ்டோர்' அந்த கடைக்கு போனேன். நீ ஏன்டா அந்த கடைக்கு போனேன்னு கேட்குறீங்களா? நாம் என்ன தாய்க்குலங்கள் மாதிரி கூடை நிறைய மேக்கப் சாதனங்களா வாங்கப்போறோம்? நமக்குன்னே வச்சுருப்பாங்க ஒரு ரியாலுக்கு use & throw ஷேவிங் மெஷின், அதுவும் கேஷ் கவுன்ட்டர் பக்கத்திலேயே இருக்கும், கடைக்கு உள்ளே போவனும்னு அவசியம் இல்லை, ஒரு ரியால வாங்கிகிட்டு மெஷினை கையில கொடுத்து மொவனே அப்படியே நடைய கட்டுன்னு அனுப்பி வச்சுடுவாங்க.

சரி..சரி மேட்டருக்கு வர்ரேன், அந்த கடையில் சீப்பு, சோப்பு, கண்ணாடியெல்லாம் அழகாக அடுக்கி வச்சிருந்ததை பார்த்ததும் நம்ம புதிய blog மூளைக்கு ஒன்று தோன்றியது. அத தான் இங்கு உஙகளுடன் பகிர்ந்துக்குரேன்:

சோப்பு

சோப்பு போட கத்துக்குங்க...
சலவைக்கு உதவும், பல‌ சலுகைகள் பெறவும் உதவும்.

சீப்பு

காலை வாறும் ச்சீப்பான மனிதரைவிட‌ தலையை வாறும் சீப்பு மேல்.

கண்ணாடி

பொய் சொல்லத்தெரியாது, உள்ளதை உள்ளபடி சொல்லும் மாயக்கண் என் முன்னாடி!!

<>புர்ஜ் துபாய்

2009-06-14T10:26:00.000+03:00

வியப்பாகவே இருக்கிறது...இந்த உயர்ந்த புர்ஜ் துபாய் கோபுரத்தை பார்த்து அல்ல, இதனை கட்டி முடித்த என் மனிதப்பிறவியை நினைத்து!!

அத்தனை உயர்ந்த கோபுரத்தின் உச்சியில், தன்னை சார்ந்து இருக்கும் தன் குடும்பத்தை ஒளியூட்ட மெழுகுவருத்தியாய் உருகும் மனிதா...உலகில் இனி எத்தனை கோபுரங்கள் போட்டி போட்டு எழட்டும்..என் பார்வையில் உழைத்து வாழும் நீயே உயர்ந்தவன்.

அதிசியம்..ஆனால் உன்மை!!

2009-06-13T16:26:00.000+03:00

ஹீ...ஹீ..ஒன்னும் இல்லை, இன்னைக்கு நான் ரொம்ப பிசின்னு சொல்லவந்தேன்!!

<>அவள் விழிகள்

2009-06-09T10:39:00.000+03:00

அவள் விழிகள்.....

பேசாமல் பேசும் பல மொழிகள்

ஆனந்தித்தின் பிரதிபலிப்பு

அகலமாய் சிரிக்கும் அழ‌கு விழிக‌ள்

காத‌லுட‌ன் க‌ல‌ந்து விட்டால்

மின்மினியாய் சிமிட்டும் அந்த‌ க‌ய‌ல் விழிக‌ள்
தேடி தேடி ஒய்ந்து, தேய்பிறையாய் அவ்விழிக‌ள்

தேடிய‌து கிடைத்தது க‌ன‌ம‌ழையாய் அவ‌ள் விழிக‌ள்
உற்சாக‌த்தின் உச்சி,

எவ்ரெஸ்ட்டாய் குளிரும் குமுதவிழிகள்

வெறுத்து வெகுன்டெழுந்தாள் அக்னியாய் அவ்விழிகள்

அவள் விழிகள் பேசாமல் பேசும் பல மொழிகள்

(ஒரு சிறு முயற்சி...அக்னி லுக் விடாமே, ஆர்க்டிக்கா மாறி பின்னூட்டங்களை அள்ளி போடுங்க‌)

<>சலூன் பக்கம்..சலோ சலோ

2009-06-08T10:16:00.000+03:00

முடி வளர்ந்திருக்கோ இல்லயோ..மாசம் பொறந்து முதல் வாரத்திர்க்குள் தலையை சலூனில் போய் காட்டி விடுறது நம்மளோட பழக்கம்..அது எப்பவோ பிளான் பன்னுனது, அது இப்படியே தொடர்கிறது (எதயுமே நாங்க பிலான் பன்னித்தான் செய்வோம்ல).

இந்த சலூன் கடைக்கு போரதுன்னாலே நமக்கு ஒரு மினி ப்ராஜக்ட் செய்ரமாதிரி, டைம் பாத்து போவனும், நம்மளோட ஃபேவரைட் முடிதிருத்துனர் இருக்காரான்னு பாக்கனும், கூட்டம் எப்படி இருக்குன்னு கன்னோட்டம் இடனும்..அப்பப்பா..

அது என்னமோ தெரியலே, உலகலாவிய சலூன் சங்கத்தினர் ஒருங்கினைத்து ஒரு தீர்மானம் நிறைவேத்திட்டாங்கன்னு நினைக்கிரேன், அது தாங்க.. நீங்க எத்தனை முறை போனாலும் அதே பழைய நியூஸ் பேப்பர், பத்திரிக்கைகள தான் படிக்கனும். அது அதிரையோ, மதுரையோ உலகின் எந்த மூலையோ.

நம்ம ஊரா இருந்தால், நாம் பிறப்பதுற்க்கு முன்னாடி வெளிவந்த குமுதம், கல்கன்டு, தினத்தந்தி எல்லாம் அழகாக அடுக்கி வச்சுருப்பாங்க‌. பழைய விகடனில் "ஆறிலிருந்து அறுபது வரை" பட விமர்சனமோ, "இன்று ரைட் சகோதரர்கள் தனது முதல் விமானத்தை வெற்றிகரமாக செலுத்தினர்" மாதிரி செய்தியோ, இன்னும் சில கடைகளில், "ஷாஜகான் இன்று தாஜ்மகாலுக்கு அடிக்கள் நாட்டி, மக்களுக்கு இனிப்பு வழ்ங்கினார்" இது மாதிரி நியூஸ் ஷாக்கிங் கொடுக்கும்.

அதுவே இந்த ஊருல‌ (ஜித்தா) பழைய அரபி பத்திரிக்கைகளா வச்சுருக்காங்க, அது என்னமோ தெரியல, அதிகமான கடைங்கள்ள லேடீஸ்க்கு உள்ள ஃபேஷன் சம்பந்தப்பட்ட 'ஜமீலா', 'சய்யிதாத்தி' யா இருக்கு (இதன் நுட்பம் என்னவோ..சரி சரி இது எல்லாம் ஆம்பிளைங்க சமாச்சாரம்)..உஙக் ஏரியாவுலயும் அப்படித்தானா?

நேத்து இப்படித்தான் வீட்டுக்கு பக்கத்தில் உள்ள சலூனுக்கு போனேன், பார்த்தால் ஜஸ்ட் ஒருவர் தான், அப்பாடா, இன்னக்கி ஒரு புத்தகத்தோட தப்பிச்சோம். சரி இன்னக்கி வழ்க்கம்போல் மேலே உள்ள புத்தகத்தை எடுக்காமெ, நடுவில் உள்ள ஒரு சஞ்சிகையை சருட்டுன்னு ஸ்டைலாக உருவினால்..அடங்...போன மாசம் பார்த்த அதே மேகஸின் தான், ஆனா கொஞ்சம் வித்யாசம், இன்னும் பழசா இருந்தது (என்ன ஒரு கன்டுபிடிப்பு)

சரி வேறு ஏதாவது இருக்கான்னு கின்டி பார்த்தா..2005ம் ஆன்டு வெளியிட்ட ஒரு சூப்பர் மார்க்கெட்டோட ஆஃபர் பேப்பர் அதுவும் இந்த சலுகை 15 ஏப்ரல் 2005 வரை மட்டுமேன்னு கொட்டை எழுத்தில்...என்ன கொடுமைடா. அப்பொது தான் எனக்கு ஒன்று ஸ்ட்ரைக் ஆனது. நாம் அடுத்த முறை இது போன்ற க்யூ சமாச்சாரத்திற்க்கு வரும்போது ஏதாவது ஒரு உபயோகமான (இது மாதிரி வெட்டிப்பதிவு மாதிரி இல்லாமல்) புத்தகம் கொன்டு வரலாம்னு தீர்மானத்திக்கொன்டேன். எதுவுமே நமக்கு லேட்டாத்தான் புரியுமோ?

<>அவரு டென்ஷன் பார்ட்டி..அப்பொ நீங்க?

2009-06-06T15:32:00.000+03:00

இன்றைக்கு ஒரு சிம்ப்பிள் சமாச்சரத்திற்க்காக‌ ஒரு ட்ராவல் ஏஜன்சிக்கு போன் பன்னினேன். ப‌தில் சொன்ன‌ ந‌ப‌ரோ... நான் பிசி.. நான் பிசி, நேரில் வாங்க‌. காட்டுத்த‌ன‌மாக‌ க‌த்திவிட்டு, இனைப்பை துன்டித்து விட்டார். ஒரு அஞ்சு நிமிஷ‌ம் க‌ழித்து, ம‌றுப‌டியும் அழைத்தேன், அதே குர‌ல், அதே கோப‌ம்.. நான் பிசின்னு சொன்னேன்ல‌, நான் மிக‌வும் ப‌வ்ய‌மாக‌, நீங்க‌ பிசின்னு தெரியுது, ஆனா இந்த‌ சின்ன‌ ஒரு ப‌திலுக்காக‌ உங்க‌ ஆஃபிஸ் வ‌ர‌னும்கிர‌து நியாய‌ம் இல்லை, நானும் இங்கே பிசி தான், "அப்ப‌டியா..அப்பொ வ‌ர‌வேனாம்னு" போனை வைத்து விட்டார். எதுவா இருந்தாலும் மூனு முறை முய‌ற்சி ப‌ன்ன‌னும்னு பெரிய‌வ‌ங்க‌ சொல்லி இருக்காங்க‌. அத‌யும் தான் பார்த்து விட‌லாமே..எதுக்குடா ரிஸ்க்னு நீங்க‌ கேட்கிர‌து புரிகிற‌து, ரிஸ்க் எடுக்கிரதுதான் ந‌ம‌க்கு ர‌ஸ்க் சாப்பிட‌ர‌மாதிரின்னு சொல்லி திரும்ப‌வும் ஒரு முய‌ற்சி...திரும்ப‌வும்..அதே...அதே..."அய்யா நீங்க‌ ரொம்ப‌ பிசின்னு புரியுது, நீங்க‌ எப்போ ஃப்ரீயா இருப்பீங்க‌ன்னு சொல்லுங்க‌", ம‌றுப‌டியும் க‌டு..க‌டு. "நான் எப்போதுமே பிசிதான்" போனை நங் என்று வைத்தார்...உடைத்தார்னு சொல்லனும்.

இவ‌ர் மேல் கோப‌த்தை காட்டிலும், அனுதாப‌மே தோன்றிய‌து, பாவ‌ம் என்ன‌ பிர‌ச்னையோ, தான் ஒருவர் மட்டுமே அலுவலகத்தில் உள்ள எல்லா பனிகளையும் செய்ய வேன்டிய சூழ்நிழை, இந்த மனிதரை பாடாய் படுத்துகிரது போலும், இல்லைனா ஏதாவது தனது சொந்த பிரச்னை அதனை சமாளிக்க முடியுமானால் தவிக்கிராரோ என்னவோ!! எப்படியோ...

சில வருடங்களுக்கு முன் Lee Iacocca, அது தாங்க இந்த Chrysler கார் தயாரிக்கிராங்களே, அதொட நிறுவனரோட biography படிச்சேன், அவர் சதாரன கூலி வேலையாலாக இருந்து, பின்னர் சிறு ரெஸ்டாரன்ட் ஆரம்பிச்சு, பின்னர் படித்து, Ford கம்பெனியில் சேர்ந்து, பின் அதிலிருந்து விலகி, Chrysler கம்பெனியை ஆரம்பிச்சாராம். இவர் ரெஸ்டாரன்ட் நடத்தும்போது ஒரு சர்வர் வருகிர எல்லா கஸ்டமர்களிடம் எறிஞ்சு எறிஞ்சு விழுவாராம். இத கவனிச்ச லீ, அவரை கூப்பிட்டு என்னப்பா நீ எப்போதும் ரொம்ப டென்ஷ்னாவே இருக்கியேன்னு கேட்டாராம், "ஆமா, எனக்கு உள்ள தகுதிக்கு நான் எப்படியோ இருக்க வேன்டிய ஆளு, ஏதோ தலைவிதி இங்கே வந்து சர்வரா வந்து மாட்டிக்கிட்டேன்"

அதற்கு லீ, அய்யய்யோ என்கிட்டே ச்ர்வர் வேலை தவிர வேற ஒன்னும் இல்லையேனுட்டு அவருக்கு அட்வைஸ் பன்ன ஆரம்பிச்சாராம். “நீ இப்படி நடந்துக்குறதினாலே, மூனு விதத்தில் பாதிக்கப்டுகிறோம். முதல்ல நீ, உனக்கு தகுதிக்கு குறைவான இடத்தில் வேலை செய்ரதுனாலே, உன்னொட எதிர்காலத்தை வீனாக்கிக்கிட்டு இருக்கிரது மட்டுமில்லாமல், இப்படி அடிக்க்டி டென்ஷன் ஆகிரதினால் உன்னோட ஆரோக்கியமும் கெடுகிறது. இரன்டாவது, என்னோட பிசினஸ், இங்க வர்ர கஸ்டமர் வச்சு தான், நான் பிசினஸ் நடத்த முடியும், இங்கு வேலை செய்ர எல்லோருக்கும் சம்பளம் கொடுக்க முடியும், ஆனால் நீ என்னடான்னா எல்லொரயும் விரட்டி அடிச்சுடுவெ போரிருக்கே. மூன்றாவது, இந்த சர்வர் வேலையாவது கிடைக்காதான்னு ஆயிரக்கனக்கான பேர் காத்துக்கிட்டு இருக்காங்க, அவங்களோட எதிர்காலத்திற்க்கு நீ தடையா இருக்கே” அப்படின்னாராம் - இதுக்கு பேர் தான் லீ பன்ச்!!.

நம்மளோட லைஃப்லேயும் இது மாதிரி சவால்கள் அப்பொப்போ எட்டிப்பார்க்கும். அப்பொவெல்லாம் லீயே வந்து நம்ம முன்னாடி வந்து இது மாதிரி மிரட்டுரமாதிரி இருக்கும். கொஞ்சம் சுதாரிச்சு...(ஏதாவது சொல்லி எஸ்டாபிளிஷ் பன்னிருவோம்ல...இதுக்கு மேலயும் விளக்கமா சொல்லனுமா...ஹீ..ஹீ)

இந்த பதிவை இங்கே இடுவதினால், வேலை பிடிக்கலனா சீட்டை காலி பன்னுங்கன்னு அர்த்தம் இல்லை, கொஞ்சம் புரிஞ்சு, அட்ஜஸ்ட் பன்னி நடந்துக்கோங்க, அம்புட்டுதேன்.